[X] Close

சில இடங்களில் வன்முறை - நிறைவடைந்தது 5ம் கட்ட மக்களவைத் தேர்தல்

Subscribe
Fifth-phase-polls-ends-in-51-constituencies-in-7-States

7 மாநிலங்களில் உள்ள 51 தொகுதிகளில் நடந்தப்பட்ட ஐந்தாம் கட்ட மக்களவை தேர்தலில் 63.5 சதவீத வாக்குகள் பதிவாகியுள்ளன.


Advertisement

உ‌த்தரப்பிரதேசம், ராஜஸ்தான், மேற்கு வங்கம், மத்திய பிரதேசம், பீகார், ஜார்க்கண்ட், காஷ்மீர் ஆகிய 7 மாநிலங்களில் வாக்குப்பதிவு பெரிதும் அமைதி‌யான முறையில் நடைபெற்றது. எனினும் மேற்குவங்கம் மற்றும் பீகார் மாநிலங்களில் சில இடங்களில் வன்முறை சம்பவங்க‌ள் நிகழ்ந்தன. பிற மாநிலங்களில் வாக்குப்பதிவு அமைதியான முறையில் நடைபெற்றது. 

Image result for 5 phase election 2019


Advertisement

மேற்கு‌வங்க மாநிலம் பன்கான், ஹுக்ளி‌ மற்றும் பராக்பூர் பகுதிகளிலும்‌ ‌ஆங்காங்கே சிறிய அளவில் வன்முறை சம்பவங்கள் நிகழ்ந்தன. BARRACKPORE என்ற பகுதியில் அமைந்திருந்த வாக்குச்சாவடியில், பாஜக வேட்பாளர் அர்ஜுன் சிங்கை, திரிணாமுல் காங்கிரஸ் தொண்டர்கள் திடீரென தாக்கினர். மேலும் பொதுமக்களையும் வாக்களிக்கக் கூடாது என மிரட்டியதாக கூறப்படுகிறது.‌இதைத் தொடர்ந்து அங்கு விரைந்து வந்த துணை ராணுவப் படை வீரர்கள் அர்ஜுன் சிங்கை அங்கிருந்து பத்திரமாக அழைத்துச் சென்றனர்.

இதே போல் பீகாரின் சரண் தொகுதிக்குட்பட்ட சாப்ராவில், ஒரு வாக்குச்சாவடிக்குள் நுழைந்த அடையாளம் தெரியாத நபர், அங்கிருந்த மின்னணு வாக்குச்சாவடியை அடித்து நொறுக்கி கீழே வீசியதால் பதற்றம் ஏற்பட்டது. இதையடுத்து அங்கு விரைந்து வந்த காவல்துறையினர், அந்த நபரை கைது செய்து அழைத்துச் சென்றனர். ‌விசாரணையில் அவரது பெயர், ரஞ்சித் பஸ்வான் என தெரியவந்தது. ‌

Image result for 5 phase election 2019


Advertisement

நாடு முழுவதும் மக்களவைத் தேர்தலில் ஐந்தாம் கட்டமாக 51 தொகுதிகளுக்கு நடைபெற்ற வாக்குப்பதிவில் 63.5 சதவீத வாக்குகள் பதிவானது. காங்கிரஸ் தலைவர் ராகுல் காந்தி, சோனியா காந்தி, மத்திய அமைச்சர்கள் ராஜ்நாத்சிங், ஸ்மிருதி இரானி உள்ளிட்டோர் களம் கண்ட உத்தரபிரதேசத்தில், 57.33% அதிகமான வாக்குகள் பதிவானதாக அதிகாரிகள் தெரிவித்தனர். மேலும் ராஜஸ்தானில் 63.78% வாக்குகளும், மத்திய பிரதேசத்தில் 66.31% வாக்குகளும்,பிகாரில் 57.86% வாக்குகளும், ஜார்கண்டில் 64.58% வாக்குகளும் பதிவாகியுள்ளன.  மேலும் 4 கட்ட மக்களவை தேர்தலைவிட, 5 கட்ட தேர்தலில் தான் குறைவான வாக்குப்பதிவு என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close