[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

படுகொலை செய்யப்பட்ட கஷோகியின் உடல் அமிலத்தில் கரைப்பா?

saudi-officials-planned-to-killing-of-journalist-jamal-khashoggi

சவுதி தூதரகத்துக்குள் படுகொலை செய்யப்பட்ட பத்திரிகையாளர் கஷோகியின் உடல் அமிலத்தில் கரைக்கப்பட்டிருக்கலாம் என்ற சந்தேகம் வலுத்துள்ளது. 

சவுதி மன்னர், சல்மானின் முடியாட்சியை பற்றி கடுமையாக விமர்சித்து அமெரிக்காவின் ‘வாஷிங்டன் போஸ்ட்’பத்திரிகையில் எழுதி வந்தவர், ஜமால் கஷோகி (59). தனது காதலியை திருமணம் செய்து கொள்வதற்கா‌க ஜமால் கஷோகி கடந்த அக்டோபர் மாதம் 2 ஆம் தேதி துருக்கி தலைநகர் இஸ்தான்புல் சென்றிருந்தார்.அப்போது முதல் மனைவியை விவகாரத்து செய்ததற்கான ஆவணங்களை பெற்றுக் கொள்வதற்காக இஸ்தான்புல் நகரில் உள்ள சவுதி அரேபிய துணை தூதரகத்துக்கு சென்றார். சவுதி தூதரகத்துக்கு சென்ற சவுதி பத்திரிகையாளர் கஷோகி அதற்குப் பின் திரும்பி வரவில்லை. சுமார் 18 நாட்களுக்குப் பிறகே, அவர் தூதரகத்துக்குள் கொல்லப்பட்டதாக சவுதி தெரிவித்தது.

கஷோகியின் உடல் துண்டு, துண்டாக வெட்டப்பட்டு, முகம் சிதைக்கப்பட்ட நிலையில் அங்கிருந்து ஐந்து சூட்கேஸ்களில் எடுத்துச் செல்லப்பட்டது. மேலும் சவுதி தூதரக அதிகாரியின் வீட்டுத் தோட்டத்தில் இருந்த கிணற்றில் அவரது உடல் மீட்கப்பட்ட விவரமும் தெரியவந்தது. 

இந்தச் சூழலில், கஷோகி மாயமாகி 9 நாட்களுக்குப் பின் 11 பேர் கொண்ட வேதியியல் நிபுணர்களை விசாரணை என்ற பெயரில் சவுதி அனுப்பி இருந்தது. அந்தக் குழுவில், வேதியியல் நிபுணர் அகமது அப்துலாஜிஸ் அல் ஜனோபியும், நச்சுயியல் துறை நிபுணர் காலேத் அல் ஜஷ்ராவும் உடனிருந்ததாகவும், அவர்கள் கஷோகியின் உடல் அமிலத்தில் கரைக்கப்பட்ட ஆதாரங்களை மூடி மறைத்திருக்கலாம் என்றும் தெரியவந்துள்ளது. எனினும் அவரது உடல் எங்கு மறைத்து வைக்கப்பட்டுள்ளது என்ற தகவலை சவுதி அரசு இதுவரை வெளியிடவில்லை. 

இஸ்தான்புல் நகரில் உள்ள சவுதி தூதரக அதிகாரியின் வீட்டில் இருந்து கஷோகியின் உடல் பாகங்கள் ஒரு கிணற்றில் இருந்து கண்டெடுக்கப்பட்டது. அப்போது கிணற்றுக்குள் இருந்த இரும்பு குழாய்களில் வேதியியல் பொருட்கள் மற்றும் அமிலங்கள் படிந்திருந்ததாகவும், அந்தத் தடயங்களை எடுத்து வந்து சோதனை செய்ததில், அவை மனித உடல்களை கரைக்கும் தன்மை கொண்ட அமிலம் என தெரிய வந்திருப்பதாகவும் துருக்கி அதிகாரிகள் அதிர்ச்சி தகவலை வெளியிட்டுள்ளனர்.

துருக்கி அதிபரின் நெருங்கிய உதவியாளரான யாசின் அக்தேவும் கடந்த 2 ஆம் தேதி கஷோகியின் உடல் அமிலத்தில் கரைக்கப்பட்டிருக்கலாம் என சந்தேகம் எழுப்பியிருந்தார். துண்டு, துண்டாக வெட்டப்பட்ட கஷோகியின் உடலை எளிதில் அழிக்கும் வகையில், இந்த நடவடிக்கையில் சவுதி அதிகாரிகள் ஈடுபட்டிருக்கலாம் எனவும் அவர் தெரிவித்திருந்தார்.

அவரது சந்தேகத்தை உறுதிப்படுத்தும் வகையில், தற்போது விசாரணை முடிவுகள் வெளியாகி இருப்பது உலகம் முழுவதும் பெரும் அதிர்ச்சியை ஏற்படுத்தி இருக்கிறது. மேலும், இது தொடர்பான வலுவான ஆதாரங்களை சேகரிப்பதற்கு சவுதி தூதரக அதிகாரியின் வீட்டில் முழுமையாக சோதனை நடத்த அனுமதிக்க வேண்டும் என துருக்கி அதிகாரிகள் கேட்டுக் கொண்டுள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close