[X] Close
JUST IN
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS சென்னையில் இன்று நடைபெறுகிறது இந்தியா - மேற்கிந்திய தீவுகள் இடையிலான முதல் ஒரு நாள் போட்டி
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்
  • BREAKING-NEWS உள்ளாட்சித் தேர்தலில் போட்டியிட இதுவரை ஒரு லட்சத்து 65 ஆயிரம் பேர் வேட்பு மனுத் தாக்கல். நாளையுடன் வேட்பு மனுத் தாக்கல் நிறைவடைகிறது
  • BREAKING-NEWS தேசிய நெடுஞ்சாலைகளில் செல்லும் வாகனங்களுக்கு இன்று முதல் கட்டாயமானது FAST TAG நடைமுறை

நெல்லையில் பெரும்பாலான பட்டியலின இளம்பெண்கள் ரத்த சோகை நோயால் பாதிப்பு - ஆய்வில் தகவல்

anemia-for-nellai-dalit-school-students

நெல்லை மாவட்டத்தில் கிராமப்புறப் பகுதிகளில் பள்ளியில் படிக்கும் பட்டியல் இனத்தை சேர்ந்த இளம்பெண்கள் 71 சதவீதம் பேர் கடுமையான ரத்த சோகை நோயினால் பாதிக்கப்பட்டுள்ளதாக மனித உரிமை கல்வி மற்றும் காப்புகளத்தினர் எடுத்த ஆய்வில் தெரியவந்துள்ளது. 

இதுகுறித்து, நெல்லை பத்திரிக்கையாளர் மன்றத்தில் மனித உரிமை கல்வி மற்றும் காப்புக்களம் பேராசிரியர் மணிக்குமார் செய்தியாளர்களை சந்தித்தார். அப்போது , “நெல்லை மாவட்டத்தில் இயங்கி வரும் மனித உரிமை கல்வி மற்றும் காப்புகளம் என்ற தன்னார்வ தொண்டு நிறுவனம் சார்பில் கிராமப்புறப் பகுதிகளில் பள்ளிகளில் படிக்கும் பட்டியல் இனத்தைச் சேர்ந்த இளம் பெண்களிடம் ஆய்வு மேற்கொண்டது. 

நெல்லை மாவட்டத்தில் உள்ள 13 பஞ்சாயத்து யூனியன்களில் 13 முதல் 18 வயதுடைய 82  இளம் பெண்களின் ரத்த மாதிரிகளை மருத்துவர்கள் பால்ராஜ், நிரஞ்சனா ஆகியோர் தலைமையில் எடுத்து ஆய்வு செய்யப்பட்டது. அதில், 99 சதவீதம் பேர் ரத்த சோகையினால் பாதிக்கப்பட்டுள்ளதும், 71 சதவீதம் பேர் கடுமையான ரத்த சோகையினால் பாதிக்கப்பட்டிருப்பதும் தெரியவந்தது.  

அதுபோல், 98 சதவீதம் பேர் வயதுக்கு ஏற்ற எடையில்லாமலும், 89 சதவீதம் பேர் வயதுக்கு ஏற்ற உயரமில்லாமலும், 71 சதவீதம் பேருக்கு ரத்தபோக்கு  இருப்பதும், 60 சதவீதம் பேர் வயிற்றுவலியால் பாதிக்கப்பட்டிருப்பதும், 71 சதவீதம் பேர் கை, கால் உளைச்சல், சோர்வினால் பாதிக்கப்பட்டிருப்பதும் ஆய்வில்  தெரியவந்துள்ளது.  

இந்த ஆய்வு எடுக்கப்பட்ட 72 சதவீதம் வளர் இளம் பெண்கள் படிக்கும் பள்ளிகளில் தண்ணீர் வசதியுடன் கூடிய கழிப்பறை இல்லை என்பதும், 82 சதவீதம் பேர்  படிக்கும் பள்ளிகளில் குடிநீர் வசதி இல்லை என்பதும் தெரியவந்துள்ளது. பள்ளிகளில் கழிப்பறைகள் இல்லாததால் வளர் இளம் பெண்கள் கடுமையான மன உளைச்சலுக்கு ஆளாகுகிறார்கள். இளம் பெண்களின மேம்பாட்டுக்கு ராஜீவ்காந்தி திட்டம்(சபேலா) சென்னை, கடலூர், திருச்சி, கன்னியாகுமரி, ராமநாதபுரம், சேலம், கோவை, மதுரை ஆகிய 9 மாவட்டங்களில் மட்டுமே செயல்படுத்தப்பட்டு வருகிறது. இதை மாநிலம் முழுவதும் செயல்படுத்த வேண்டும்” எனத் தெரிவித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close