[X] Close
JUST IN
  • BREAKING-NEWS ஆந்திரா: தேவிபட்டணம் பகுதியில் கோதாவரி ஆற்றில் சுற்றுலா படகு கவிழ்ந்ததில் 33 பேர் நீரில் மூழ்கியதாக தகவல்; தேடும் பணி தீவிரம்
  • BREAKING-NEWS 10 ஆம் வகுப்பு மொழிப்பாடத் தேர்வை ஒரே தாளாக்கியதற்கு ஆசிரியர்கள் எதிர்ப்பு
  • BREAKING-NEWS ஆஷஸ் டெஸ்ட்: இங்கிலாந்து அணி 382 ரன்கள் முன்னிலை
  • BREAKING-NEWS “மிகமிக மோசமான அதிகாரிக்கு அண்ணா விருதா?” - பொன்.மாணிக்கவேல் கடிதம்
  • BREAKING-NEWS உயர்நீதிமன்ற இணையதளத்திலிருந்து நீதிபதி தஹில் ரமாணி புகைப்படம் நீக்கம்

''பேருந்தில் இடம்பிடித்த கோபக்கார தோனி'' - வைரல் புகைப்படம்!

bus-with-angry-dhoni-s-painting-goes-viral-in-social-media

ஐபிஎல் போட்டிகள் என்றாலே சுவாரஸ்யங்களுக்கு பஞ்சம் இருக்காது. பெரும்பாலான போட்டிகளில் இறுதி கட்டத்தில் பரபரப்பு இருக்கும். இந்த ஐபிஎல்லில் மறக்கமுடியாத ஒரு சம்பவம் என்றால் அது கூல் கேப்டன் தோனியையே சற்று சூடாக்கிவிட்ட ராஜஸ்தானுக்கு எதிரான போட்டி.

கடைசி ஓவர் பரபரப்பில் நடுவர் நோ பால் என அறிவித்து பின்னர் முடிவை திரும்ப பெற்றார். இதனால், போட்டியின் நடுவே லேசான குழப்பம் நிலவியது. நடுவர்களிடம் பேட்டிங் செய்துகொண்டிருந்த ஜடேஜா முறையிட்டார். ரசிகர்களும் குழம்பிவிட்டார்கள். 

எல்லைக் கோட்டுக்கு வெளியே நின்று கொண்டு இதனை கவனித்துக்கொண்டிருந்த தோனி ஒருகட்டத்தில் பொறுமை இழந்து மைதானத்திற்குள் வேகவேகமாக சென்றார். நடுவர்களிடம் சென்று மிகவும் ஆக்ரோஷமாக விவாதம் செய்தார். இதனை யாருமே எதிர்பார்க்கவேயில்லை. தோனியா இப்படி மைதானத்திற்கு சென்று ஆக்ரோஷமாக பேசிக் கொண்டிருக்கிறார்? என அதிர்ச்சி அடைந்தனர். அந்த போட்டியில் சென்னை வெற்றிபெற்றது. ஆனாலும் எங்கள் கூல் கேப்டனையே இப்படி சூடாக்கிவிட்டார்களே பலரும் கருத்து தெரிவித்தனர்.

இந்நிலையில் நடுவரிடம் தோனி வாக்குவாதம் செய்யும் அந்த குறிப்பிட்ட புகைப்படத்தை பேருந்தில் மிகப்பெரிய ஓவியமாக வரைந்து வைத்து பேருந்தை அழகுபடுத்தியுள்ளார் தனியார் பேருந்து உரிமையாளர். கரூர், நாமக்கல் பகுதியில் ஓடும் அந்த பேருந்தின் புகைப்படம் தற்போது சமூக வலைதளங்களில் வைரலாகி வருகிறது.

பார்த்தீர்களா தோனியின் கோபத்துக்கும் ரசிகர்கள் உண்டு என பலரும் அந்த புகைப்படத்தை பகிர்ந்து நகைச்சுவையாக பதிவிட்டு வருகின்றனர்
 

Advertisement:
இது தொடர்பான செய்திகள் :
Advertisement:
Advertisement:
[X] Close