[X] Close
JUST IN
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்
  • BREAKING-NEWS அடுத்த 2 நாட்களுக்கு திருவள்ளூர், வேலூர், தி.மலை, சென்னை, காஞ்சிபுரம், கடலூர், விழுப்புரம், திருச்சி உள்ளிட்ட இடங்களில் வெப்ப அலை வீச வாய்ப்பு- வானிலை ஆய்வு மையம்

'ஜூலை வரை சமாளிக்கலாம்': சென்னை மக்களின் தாகம் தீர்க்கும் வீராணம் ஏரி!

veeranam-lake-turns-a-major-water-supplier-for-chennai

சென்னையின் குடிநீர் பற்றாக்குறையை ஜூலை மாதம் வரை சமாளிக்க வீராணம் ஏரி உதவும் என பொதுப்பணித்துறையினர் தெரிவித்துள்ளனர்

வடகிழக்குப் பருவமழை பொய்த்துபோனதால் சென்னையில் எதிர்பார்த்த அளவிற்கு மழை இல்லை. சென்னை குடிநீருக்கு ஆதாரமான ஏரிகள் எல்லாம் காய்ந்து மேய்ச்சல் நிலங்களாக மாறிவிட்டன. ஃபோனி புயலால் மழை பெய்து தண்ணீர் பிரச்னையில் இருந்து சென்னை தப்பிக்கும் என்று எதிர்ப்பார்க்கப்பட்ட நிலையில் அதுவும் ஏமாற்றியது. இந்நிலையில் நிலத்தடி நீர்மட்டம் அடிபாதாளத்துக்கு சென்றுவிட்டது. தற்போது சென்னையே தண்ணீர் பஞ்சத்தில் சிக்கியுள்ளது. குறைந்தது ஜூலை வரையாவது கோடை நிலவும் என்பதால், சமாளிப்பது எப்படி என நினைத்து சென்னை மக்கள் விழி பிதுங்குகின்றனர்.

இந்நிலையில் சென்னையின் குடிநீர் பற்றாக்குறையை ஜூலை மாதம் வரை சமாளிக்க வீராணம் ஏரி உதவும் என பொதுப்பணித்துறையினர் தெரிவித்துள்ளனர். இதற்கு முன்பு 2013ம் ஆண்டு கோடையில் தான் வீராணம் ஏரி நிரம்பியது. தற்போது 6 ஆண்டுகளுக்கு பிறகு நிரம்பி இருக்கிறது.

கடலூர் மாவட்டம் காட்டுமன்னார்கோவில் அருகேயுள்ளது வீராணம் ஏரி. பாசனவசதி மற்றும் சென்னைக்கு குடிநீர் ஆகியவைதான் வீராணம் ஏரியின் பிரதானம். கடந்த மார்ச் மாதம் வீராணம் ஏரியின் நீர்மட்டம் குறைந்தது. சென்னை குடிநீர் பற்றாக்குறையை கணக்கிட்டு வீராணம் ஏரிக்கு மேட்டூர் அணையில் இருந்து நீர் திறக்க வேண்டுமென்று கோரிக்கை விடுக்கப்பட்டது.

அதன்படி ஏப்ரலில் நீர் திறக்கப்பட்டது. அதன்படி தற்போது வீராணம் ஏரியில் 6000 மில்லியன் கன அடி தண்ணீர் தேக்கிவைக்கப்பட்டுள்ளது. இது தவிர கீழணையில் 1160 மில்லியன் கன அடி தண்ணீர் தேக்கிவைக்கப்பட்டுள்ளது.

சென்னையை பொறுத்த வரை ஒருநாளைக்கு 15 மில்லியன் கன அடி நீர் வீராணம் ஏரியில் இருந்து கொண்டுவரப்படுகிறது. எதிர்வரும் மாதத்தில் வீராணம் ஏரியில் நீர் குறைந்தாலும் கீழணையில் இருக்கும் தண்ணீரை பயன்படுத்திக்கொள்ளலாம் என்றும் பொதுப்பணித்துறையினர் தெரிவிக்கின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close