[X] Close
JUST IN
  • BREAKING-NEWS வரும்காலத்தில் சிறுபான்மை மக்களுக்கு பாஜக அரசு பாதுகாப்பாக இருக்கும் என மோடி பேசியது ஆறுதல்- திருமாவளவன்
  • BREAKING-NEWS தமிழகத்தில் ஜூன் 3ம் தேதி பள்ளிகள் திறக்கப்படும் என்பதில் எந்த மாற்றமும் இல்லை - அமைச்சர் செங்கோட்டையன்
  • BREAKING-NEWS 5 ஆண்டுகள் விரைவாக சென்றுவிடும் என்பதால் அடுத்த பிரதமராக ராகுல் காந்தி நிச்சயம் வருவார்- திருநாவுக்கரசர்
  • BREAKING-NEWS சென்னை உட்பட தமிழகம் முழுவதும் தனியார் குடிநீர் லாரி உரிமையாளர்கள் சங்கம் அறிவித்த வேலைநிறுத்தம் தற்காலிக வாபஸ்
  • BREAKING-NEWS காவிரி ஆணைய கூட்டத்தில் மேகதாது அணை கட்ட கர்நாடக அரசுக்கு அனுமதி வழங்கக்கூடாது என்பதை வலியுறுத்த தமிழக அரசு முடிவு
  • BREAKING-NEWS பல வாக்குச்சாவடிகளில் அமமுகவுக்கான வாக்குகள் ‘பூஜ்யம்’ என காட்டியுள்ளது; எங்கள் முகவர்கள் போட்ட ஓட்டு எங்கே? - டிடிவி தினகரன்

மார்டின் அலுவலக காசாளர் மர்ம மரணம்: மகன் நீதிமன்றத்தில் மனு..!

martin-office-cashier-suspicious-dead-son-filed-petition-in-court

கோவையில் சந்தேகத்திற்கு இடமான வகையில் உயிரிழந்த தொழிலதிபர் மார்டினின் அலுவலக காசாளர் பழனிசாமியின் உடலை, உச்சநீதிமன்ற வழிகாட்டுதல்படி பிரேத பரிசோதனை செய்ய வேண்டுமென, அவரின் மகன் நீதிமன்றத்தில் மனுதாக்கல் செய்துள்ளார்.

கோவையில் தொழிலதிபர் மார்டினுக்கு சொந்தமான தனியார் நிறுவனத்தில் பழனிசாமி என்பவர் காசாளராக பணியாற்றி வந்தார். மார்டினுக்கு சொந்தமான இடங்களில் வருமானவரித்துறை சோதனை நடத்தி வரும் நிலையில், பழனிசாமியின் வீட்டிலும் வருமான வரித்துறை அதிகாரிகள் சோதனை நடத்தினர். மேலும் நேரிலும் அவரிடம் விசாரணை நடத்தப்பட்டது.

இதனிடையே, மேட்டுப்பாளையம் அருகேயுள்ள வெள்ளியங்காடு என்ற இடத்தில் உள்ள குளத்திலிருந்து நேற்று பழனிசாமி சடலமாக மீட்கப்பட்டார்.  தற்போது பழனிசாமியின் உடல் மேட்டுப்பாளையம் அரசு மருத்துவமனையில் வைக்கப்பட்டுள்ளது. அதேநேரத்தில் பழனிசாமியிடம் விசாரணை நடத்திய வருமான வரித்துறை அதிகாரிகள் மீதும் வழக்குப்பதிவு செய்யப்பட்டுள்ளது.

இந்நிலையில் பழனிசாமியின் உடலை, உச்சநீதிமன்ற வழிகாட்டுதல்படி பிரேத பரிசோதனை செய்ய வேண்டுமென அவரின் மகன் ரோகின்குமார் நீதிமன்றத்தில் மனுதாக்கல் செய்துள்ளார். இதன்பின் செய்தியாளர்களிடம் பேசிய ரோகின்குமார், “ வருமான வருத்துறையினர் என் தந்தைக்கு உடல் ரீதியாகவும் மன ரீதியாகவும் உளைச்சலை ஏற்படுத்தியிருக்கின்றனர். ஆனால் மார்டின் நிறுவனத்தில் பணியாற்றும் இருவர்தான் என் தந்தையை கொலை செய்துள்ளனர். அவர்கள் யார் என்பதை இப்போது அறிவிக்க முடியாத சூழல் உள்ளது.

என் தந்தை  பழனிசாமி முன்னிலையில் எங்கள்  வீட்டிலும் வருமான வரித்துறை சோதனை நடைபெற்றது. ஆனால் ஆவணங்கள் எதுவும் கைப்பற்றப்படவில்லை. என் தந்தையின் உடலில் காயம் உள்ளது. தண்ணீரில் மூழ்கி இறந்தவருக்கு, தலையில் மூக்கில் காயம் ஏற்பட வாய்ப்பில்லை. எனவே அவர் கொலை செய்யப்பட்டுள்ளார்” என தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close