[X] Close
JUST IN
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை
  • BREAKING-NEWS தமிழகத்திற்கு தரவேண்டிய நிலுவைத்தொகை ரூ.13,000 கோடியை மத்திய அரசு வழங்க வேண்டும்- மாநிலங்களவையில் அதிமுகவின் மைத்ரேயன் பேச்சு

கம்பம் வனச்சரகத்தில் பணியில் சேர்ந்த 6 பெண் வனக்காவலர்கள் 

6-women-joined-to-forest-ranger-in-theni

தேனி மாவட்டம் கம்பம் கிழக்கு வனச்சரகத்தில் புதிதாக தேர்வு செய்யப்பட்ட 6 பெண் வனக் காவலர்கள் பணியில் சேர்ந்தனர்.

தேனி மாவட்டத்தில் கம்பம் வனச்சரகத்தின் மேற்குப்பகுதி இயற்கை வனப்பகுதியாகவும், கிழக்குப்பகுதி மேகமலை வன உயிரின சரணாலயமாகவும் உள்ளது. இங்கு தேக்கு, சந்தனம், தோதகத்தி உள்ளிட்ட அரிய வகை மரங்களும், யானை சிறுத்தை, காட்டுப்பன்றிகள், மரஅணில், சிங்கவால் குரங்கு, மான் உள்ளிட்ட வனவிலங்குகளும், அரியவகை மூலிகைகளும் உள்ளன. 

ஆனால் அனைத்தையும் கண்காணிக்க போதிய பணியாளர்கள் இல்லாமல் வனத்துறையினர் சிரமப்பட்டு வந்தனர். இதனால் வனப்பகுதியில் வனவிலங்குகள் வேட்டை, மரம் வெட்டுதல் உள்ளிட்ட சட்ட விரோத செயல்களை கட்டுப்படுத்துவதில் 
சிக்கல் ஏற்பட்டு வந்தன.

இதே நிலைமை தமிழகம் முழுவதும் இருந்து வந்தன. இதையடுத்து தமிழக அரசு வனத்துறையில் கூடுதலாக 
பணியாளர்கனை நியமிக்க உத்தரவிட்டது. அதன்படி கடந்த சில மாதங்களுக்கு முன்னர் வனக்காவலர் தேர்வு நடைபெற்றது. இந்த தேர்வில் பெண்களும் பங்கேற்றனர்.

தேர்வில் வெற்றி பெற்றவர்கள் தற்போது பணியில் சேர்ந்து வருகிறார்கள். கம்பம் கிழக்கு வனச்சரகத்தில் மட்டும், 6 பெண் 
வனகாவலர்கள் பணியில் சேர்ந்தனர். 

இதுகுறித்து வனத்துறையினர் கூறுகையில், “முதன்முறையாக பெண் வனகாவலர்கள் பணியில் சேர்ந்துள்ளனர். இவர்களுக்கு பறக்கும்படை பிரிவில் பணி வழங்கப்படும். இவர்கள் காடுகளில் சட்ட விரோதமாகக் கடத்தப்படும் அரிய வகை மரங்கள் மற்றும் பொருட்களைத் தடுத்தல், காடுகளில் திடீரெனப் பற்றும் காட்டுத் தீயை அணைக்கும் 
பணியில் ஈடுபடுவர்.

தேனி மாவட்டத்தில் மேகமலை வன உயிரின சரணாலயத்திற்கு 19 பெண் வனக்காவலர்கள் உட்பட 38 பேர் தேர்வு செய்யப்பட்டுள்ளனர். மேலும் மேற்கு இயற்கை வனப்பகுதியில் 14 பெண்வனக்காவலர்கள் உட்பட 34 பேர் நியமிக்கப்பட்டுள்ளனர். இவர்களுக்கு அந்தந்த வனச்சரகத்திற்குட்ப்பட்ட காடுகளின் எல்லைப்பகுதி, குற்றச்செயல் நடைபெறும் இடங்கள் குறித்து ரேஞசர்கள் விளக்கம் அளிக்கின்றனர். பின்னர் கோவையில் 21 நாள் பயிற்சி அளிக்கப்பட உள்ளது” எனத் தெரிவித்தனர். 

Advertisement:
இது தொடர்பான செய்திகள் :
Advertisement:
Advertisement:
[X] Close