[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

“போலி விண்ணப்பங்களை விநியோகித்தவர்களை கண்டுபிடியுங்கள்” - நெல்லை மக்கள் கோரிக்கை

people-have-an-application-for-obtaining-rs-1-lakh-in-pm-scheme-for-self-employment-at-tirunelveli

பிரதமர் திட்டத்தின் கீழ் சுயதொழில் தொடங்க மானிய சலுகையில் ரூபாய் 1 லட்சம் பெறுவதற்காக விண்ணப்பத்துடன் ஆயிரக்கணக்கான மக்கள் நெல்லை மாவட்ட ஆட்சியர் அலுவலகத்தில்  குவிந்ததால் பரபரப்பு ஏற்பட்டது.

நாடாளுமன்றத் தேர்தல் தேதிகள் சில தினம் முன்பு அறிவிக்கப்பட்டது. இதனையடுத்து தேர்தல் நடத்தை விதிமுறைகள் அமலுக்கு வந்துள்ளன. இதனால் திருநெல்வேலி மாவட்ட ஆட்சியர் அலுவலக வளாகத்தில் மக்கள் குறைதீர்க்கும் கூட்டம்  தேர்தல் நடத்தை விதிகள் அமலில் உள்ள வரை நடைபெறாது என்று மாவட்ட நிர்வாகம் நேற்று அறிவித்திருந்தது.

இந்நிலையில் நலிவடைந்த ஏழை எளிய மக்கள் சுய தொழில் தொடங்க பாரத பிரதமர் மானிய சலுகையில் ரூபாய் 1 லட்சம் பெறுவதற்கான விண்ணப்பத்துடன் நெல்லை மாவட்ட ஆட்சித்தலைவர் அலுவலகத்தில் நேற்று ஆயிரக்கணக்கான மக்கள் குவிந்தனர். தாங்கள் கொண்டு வந்த மனுக்களுடன்,வங்கி கணக்கு நகல், ஆதார் நகலுடன் இணைத்து மாவட்ட ஆட்சித்தலைவர் அலுவலகத்திலுள்ள மனுக்கள் பெறும் பெட்டியில் மக்கள் போட்டுச் சென்றனர்.  

இதனைத்தொடர்ந்து இன்று 2வது நாளாக திருநெல்வேலி மாவட்டத்தின் நான்குநேரி, வள்ளியூர், ராதாபுரம், ஏர்வாடி உள்ளிட்ட பகுதிகளிலிருந்து ஏராளமான பெண்கள் ஆயிரகணக்கானோர் விண்ணப்ப மனுக்களுடன் நெல்லை மாவட்ட ஆட்சியர் அலுவலகத்தில் குவிந்தனர். 

இதனையடுத்து அவர்களை தடுத்து நிறுத்திய காவல்துறையினர், கடனுதவி பெறுவதற்கான விண்ணப்பங்களை பூர்த்தி செய்து மனு பெட்டியில் போட அறிவுறுத்தினர். தேர்தல் நடத்தை விதிமுறைகள் அமலில் இருக்கும் நிலையில் இதுபோன்று மத்திய அரசின் திட்டத்திற்கான விண்ணப்பத்தை யார் வழங்கினார்கள் என்பதை கண்டறிந்து நடவடிக்கை எடுக்க வேண்டும், தினந்தோறும் வேலைக்கு சென்று சம்பாதிக்கும் ஏழை மக்களை ஏமாற்றுபவர்கள் மீது நடவடிக்கை எடுக்க வேண்டும் எனவும் பொதுமக்கள் வலியுறுத்துகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close