[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

"உயிரினங்களே வசிக்க முடியாத கிரகமாக பூமி மாறலாம்" சிவதாணு பிள்ளை கருத்து

how-much-longer-can-earth-support-life

வரும் காலங்களில் உயிரினங்களே வசிக்க முடியாத கிரகமாக பூமி மாறலாம் என முன்னாள் இஸ்ரோ விஞ்ஞானி சிவதாணு பிள்ளை தெரிவித்துள்ளார். 

ராஜபாளையம் முடங்கியாறு சாலையில் உள்ள தனியார் பொறியியல் கல்லூரியில் நடைபெற்ற நிகழ்ச்சியில் முன்னாள் இஸ்ரோ விஞ்ஞானி சிவதானுபிள்ளை கலந்து கொண்டார். ஆயிரத்திற்கும் மேற்பட்ட கல்லூரி மாணவ, மாணவிகளுக்கு மத்தியில் விண்வெளி துறையில் இந்தியாவின் பங்கு உள்ளிட்ட பல்வேறு தலைப்புகளில் சிவதானுபிள்ளை உரையாற்றினார். மாணவர்கள் பலர் தங்களது சந்தேகங்களை அவரிடம் கேட்டு விளக்கம் பெற்றனர். நிகழ்ச்சி நிறைவுக்கு பின்னர் அவர் செய்தியாளர்களை சந்தித்தார். 

அதில் இந்தியா விண்வெளி துறையில் 4 நாடுகளில் ஒன்றாக இருக்கிறது. இதில் அமெரிக்கா, ரஷ்யா, சீனா மற்றும் இந்தியா ஆகிய நாடுகள் அதிக வளர்ச்சி பெற்றுள்ளது. இந்தியா தவிர மற்ற 3 நாடுகளும் விண்வெளிக்கு மனிதனை அனுப்பி விட்டது. அதன் தொடர்ச்சியாக 2022 ல் 3 இந்தியர்கள் விண்வெளி ஆராய்ச்சிக்கு அனுப்பப்பட உள்ளனர். மனிதனை விண்வெளிக்கு அனுப்பினால் திரும்ப கொண்டு வர வேண்டிய தொழில் நுட்பம், புறப்படும் போது ஏதேனும் தவறு நேர்ந்தால் மனிதனை உயிருடன் காப்பாற்றும் நுட்பம் போன்றவை ஏற்பாடு செய்யப்பட்டுள்ளது.

மேலும் சூரியக் குடும்பத்தின் உட்புறப் பகுதியில் சூரியனை சுற்றி வரும் கோள்கள் மற்றும் செவ்வாய் கிரகத்தில் உள்ள உலோகங்கள் குறித்தும் தெரிந்து கொண்டால் உபயோகமாக இருக்கும். செவ்வாய் கிரகம் ஒரு பில்லியன் ஆண்டுகளுக்கு முன்னர் பூமி போல தண்ணீருடன் செழிப்பாக இருந்த இடம். தற்போது வறண்டு காணப்படுகிறது. இப்போதுள்ள நிலையின் படி பூமியும் ஒரு காலம் வறண்டு போகலாம். தற்போதுள்ள நிலை நீடித்தால் இன்னும் ஒரு பில்லியன் ஆண்டுக்கு பிறகு பூமி உயிரினங்கள் வசிக்க முடியாத கோளாக மாறலாம் என்று தெரிவித்தார். 

மேலும் தெரிவித்த அவர், அவ்வாறான நிலை ஏற்பட்டால் மனிதர்களை எவ்வாறு காப்பது என்ற ஆராய்ச்சியும் நடைபெற்று வருகிறது. தற்போது நீல நிறத்தில் பூமியை விட இரு மடங்கு பெரியதான இரு கிரகங்கள் கண்டுபிடிக்கப்பட்டுள்ளது. வரும் காலங்களில் எவ்வாறு வாழ்வது என்பதே மனிதர்களின் அடுத்த பிரச்னையாக இருக்க போகிறது. இனி பூமியை விடுத்து விண்வெளியில் தான் நடக்க வேண்டும். நாம் பூமியை விட்டு சென்றாலும் மனித இனம் அழிந்து விடக் கூடாது. எனவே தற்போதுள்ள விஞ்ஞானிகள் அடுத்த பூமி குறித்து ஆராய்ச்சி செய்து வருகின்றனர் என்று தெரிவித்தார்.

Advertisement:
Advertisement:
Advertisement:
[X] Close