[X] Close
JUST IN
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது
  • BREAKING-NEWS இந்தியாவுக்கு எதிரான டி20 போட்டி: தென்னாப்பிரிக்க அணி 9 விக்கெட் வித்தியாசத்தில் வெற்றி
  • BREAKING-NEWS தமிழகம் முழுவதும் கருணாநிதி சிலை திறக்கப்படும்: ஈரோட்டில் கருணாநிதி சிலையை திறந்து வைத்து மு.க.ஸ்டாலின் பேச்சு
  • BREAKING-NEWS இடைத்தேர்தலில் போட்டியிடும் நாம் தமிழர் கட்சி வேட்பாளர்கள் 25-ம் தேதி அறிவிக்கப்படுவார்கள்: சீமான்

பணம் தர மறுத்த மூதாட்டி கோடாரியால் வெட்டிக் கொலை

old-lady-killed-in-namakkal-who-refused-to-pay-the-money

நாமக்கல் அருகே பணம் தர மறுத்த 70 வயது மூதாட்டியை கோடரியால் வெட்டிக் கொலை செய்தவரை காவல்துறையினர் கைது செய்தனர்.

நாமக்கல் மாவட்டம் கஸ்தூரிப்பட்டியில் வெள்ளையம்மாள் என்ற மூதாட்டி கணவர் இறந்த நிலையில் தனியாக வசித்து வந்திருக்கிறார். இவர் தனது தோட்டத்தை விற்ற பணத்தை உள்ளூரில் வட்டிக்கு விட்டு சம்பாதித்து வந்திருக்கிறார். இந்நிலையில் வெகுநேரமாகியும் வீட்டை விட்டு அவர் வராததை அடுத்து அக்கம்பக்கத்தினர் வீட்டிற்குள் சென்று பார்த்திருக்கின்றனர். அப்போது தலையில் காயத்துடன் உயிரிழந்த நிலையில் அவர் கிடந்திருக்கிறார். தகவலறிந்து நிகழ்விடத்திற்குச் சென்ற எருமைப்பட்டி காவல்துறையினர் உடலைக் கைப்பற்றி நாமக்கல் அரசு மருத்துவமனைக்கு ‌அனுப்பி வைத்தனர். 

மூதாட்டியிடம் உள்ள பணம் மற்றும் 15 லட்சம் ரூபாய் மதிப்பிலான சொத்திற்காக இந்தக் கொலை நடந்ததா என காவல்துறையினர் விசாரணை நடத்தினர். வெள்ளையம்மாள் வீட்டில் குடியிருந்து வரும் மாட்டு வியாபாரி பெரியசாமி என்பவரிடம் சந்தேகத்தின் பேரில் காவல் துறையினர் விசாரணை நடத்தினர். இதில் பணம் தரமறுத்ததால் வெள்ளையம்மாளை கோடாரியால் வெட்டிக்கொன்றதை பெரியசாமி ஒப்புக்கொண்டார். இதையடுத்து பெரியசாமியைக் கைது செய்த காவல்துறையினர் விசாரணை மேற்கொண்டு வருகின்றனர்.

Advertisement:
Advertisement:
Advertisement:
[X] Close