[X] Close
JUST IN
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS ப.சிதம்பரத்தை அவதிக்குள்ளாக்க வேண்டும் என்பதே அமலாக்கத்துறையின் எண்ணம் - கபில் சிபல்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்
  • BREAKING-NEWS அடுத்த 5 நாட்களுக்கு கனமழை நீடிக்கும் - இந்திய வானிலை ஆய்வு மையம்

இன்று சென்னை வருகிறார் ஆளுநர்.. அவசரச் சட்டம் பிறப்பிக்கப்பட வாய்ப்பு

ordinance-for-jallikattu-may-be-announced-today

மகாராஷ்டிராவிலிருந்து இன்று காலை சென்னை வந்து சேரும் தமிழக ஆளுநர் வித்யாசாகர் ராவ், ஜல்லிக்கட்டிற்கான அவசரச் சட்டத்தை பிரகடனப்படுத்துவார் என எதிர்பார்க்கப்படுகிறது.

ஜல்லிக்கட்டிற்கான தமிழக அரசின் அவசரச் சட்டத்திற்கு மத்திய சுற்றுச்சூழல் மற்றும் வனத்துறை, கால்நடை பராமரிப்புத்துறை, கலாசாரத்துறை, உள்துறை உள்ளிட்ட துறைகள் அனுமதியளித்தன. எனவே குடியரசுத் தலைவருக்கு அனுப்பவேண்டிய தேவையில்லாமல் அவசரச் சட்டம் தமிழக அரசுக்கு அனுப்பிவைக்கப்பட்டுள்ளது.

இதையடுத்து தமிழ‌க அமைச்சரவை கூடி, அவசரச்சட்டத்திற்கு அனுமதியளித்து ஆளுநர் வித்யாசாகர் ராவிடம் அனுப்பி வைக்கும். மகாராஷ்டிராவிலிருந்து இன்று காலை சென்னை வந்து சேரும் ஆளுநர் வித்யாசாகர் ராவ், அவசரச் சட்டத்தை பிரகடனப்படுத்துவார் என எதிர்பார்க்கப்படுகிறது.

தமிழக அரசின் அவசரச் சட்டத்தில் காளைகளை காட்சிப்படுத்தக்கூடாத விலங்குகள் பட்டியலில் இருந்து நீக்க வழிவகை செய்யப்பட்டிருப்பதாக உள்துறை அமைச்சக வட்டங்களை மேற்கோள் காட்டி பிடிஐ செய்தி நிறுவனம் செய்தி வெளியிட்டுள்ளது. முன்னதாக அவசரச் சட்டம் இயற்றுவதற்கு வசதியாக ஜல்லிக்கட்டு வழக்கில் ஒருவாரத்திற்கு தீர்ப்பு வழங்கப்படாது என உச்சநீதிமன்றம் தெரிவித்திருந்தது.

Advertisement:
Advertisement:
Advertisement:
[X] Close