[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

ரிக்கி பாண்டிங் எனக்கு எவ்வாறு உதவினார் ? உருகும் வார்னர்

like-my-old-man-warner-speaks-about-ponting-s-influence

தனக்கு ரிக்கி பாண்டிங் எவ்வாறு உதவியுள்ளார் என்பது குறித்து ஆஸ்திரேலிய வீரர் டேவிட் வார்னர் மனம் திறந்துள்ளார். 

ஆஸ்திரேலிய கிரிக்கெட் அணியின் அதிரடி தொடக்க ஆட்டக்காரர் டேவிட் வார்னர். இவர் பந்தை சேதப்படுத்திய புகாரில் சிக்கி ஒராண்டு கிரிக்கெட் விளையாட தடை விதிக்கப்பட்டிருந்தது. இதனைத் தொடர்ந்து தடை முடிந்த பிறகு டேவிட் வார்னர் 2019ஆம் ஆண்டு கிரிக்கெட் உலகக் கோப்பையில் மீண்டும் களமிறங்கினார். அப்போது ஆஸ்திரேலிய கிரிக்கெட் அணியின் துணை பயிற்சியாளராக முன்னாள் வீரர் ரிக்கி பாண்டிங் இருந்தார். 

அந்த நேரத்தில் ரிக்கி பாண்டிங் தனக்கு எவ்வாறு உதவி செய்தார் என்பது தொடர்பாக டேவிட் வார்னர் மனம் திறந்துள்ளார். இதுகுறித்து, “உலகக் கோப்பை தொடரில் என்னுடன் ரிக்கி பாண்டிங் இருந்தார். அவர் ஒரு வயதான அனுபவம் வாய்ந்த நபர் போன்று எனக்கு உதவியாக இருந்தார். குறிப்பாக ஒராண்டு தடைக்காலத்திற்கு பிறகு நான் உலகக் கோப்பை தொடரில் தான் களமிறங்கினேன். அப்போது எனக்கு மிகவும் கடினமாக இருந்தது. அந்த நேரத்தில் எனக்கு அவர் தகுந்த பக்க பலமாக இருந்தார். அந்தத் தொடரின் போது நான் அவருடன் எப்போதும் விவாதித்து கொண்டே இருந்தேன்” எனத் தெரிவித்தார். 

2019 கிரிக்கெட் உலகக் தொடரில் அதிக ரன்கள் அடித்தவர்கள் பட்டியலில் டேவிட் வார்னர் 645 ரன்களுடன் இரண்டாம் இடம் பிடித்தார். அத்துடன் அந்த உலகக் கோப்பை தொடரில் அவர் 3 சதங்களையும் அடித்தார். இதுகுறித்து ஆஸ்திரேலிய அணியின் முன்னாள் கேப்டன் ரிக்கி பாண்டிங், “தடைக்கு பின்பு ஒருவர் மீண்டும் சர்வதேச கிரிக்கெட்டில்  விளையாடிவது மிகவும் கடினமான ஒன்று. ஆகவே தான் நான் டேவிட் வார்னருடன் இணைந்து செயல்பட்டேன். டேவிட் வார்னர் ஒரு சிறப்பான வீரர். அவர் ஒரு போராளி. இதை தான் நான் அவரிடம் தொடர்ந்து கூறி வந்தேன்” எனத் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close