[X] Close
JUST IN
  • BREAKING-NEWS ஊரக உள்ளாட்சித் தேர்தலில் போட்டியிடும் வேட்பாளர்கள் பட்டியலை வெளியிட்டது அதிமுக
  • BREAKING-NEWS ராஜீவ்காந்தி கொலை வழக்கில் சிறையில் உள்ள நளினி உயர்நீதிமன்றத்தில் ஆட்கொணர்வு மனு தாக்கல்
  • BREAKING-NEWS சென்னை ஐஐடியில் மாணவர்களின் தற்கொலைகள் குறித்த வழக்கை சிபிஐ விசாரணைக்கு மாற்றக்கோரிய மனுவை உயர்நீதிமன்றம் தள்ளுபடி செய்தது
  • BREAKING-NEWS ராகுல்காந்தி மீது நடவடிக்கை எடுக்கக்கோரி தேர்தல் ஆணையத்தில் பாஜக சார்பில் ஸ்மிருதி இரானி புகார் மனு
  • BREAKING-NEWS உள்ளாட்சித் தேர்தலில் நாம் தமிழர் கட்சிக்கு கரும்பு விவசாயி சின்னம் ஒதுக்கியது மாநில தேர்தல் ஆணையம்
  • BREAKING-NEWS உள்ளாட்சித் தெர்தலில் மதிமுகவிற்கு பம்பரம் சின்னம் ஒதுக்கியது மாநில தேர்தல் ஆணையம்
  • BREAKING-NEWS தமிழகத்தை சேர்ந்த ஐஏஎஸ் அதிகாரி சோமநாதன் மத்திய நிதி அமைச்சக செயலாளராக நியமனம்

“தோனியை காப்பி அடிக்காதீர்கள்” - ரிஷப்க்கு கில்கிறிஸ்ட் அட்வைஸ்

don-t-try-to-be-like-ms-dhoni-adam-gilchrist-wants-rishabh-pant-to-be-the-best-version-of-himself

தோனியைப் போல் இருக்க முயற்சிக்க வேண்டாம் என்று ரிஷப் பண்ட்க்கு ஆஸ்திரேலிய அணியின் முன்னாள் வீரர் ஆடம் கில்கிறிஸ்ட் அறிவுரை கூறியுள்ளார். 

இந்திய அணியின் முன்னாள் கேப்டன் தோனி டெஸ்ட் போட்டியில் இருந்து ஓய்வு பெற்றுவிட்ட நிலையில், தற்போது ஒருநாள் மற்றும் டி20 போட்டிகளில் மட்டும் விளையாடி வருகிறார். தோனிக்கு அடுத்தபடியாக ரிஷப் பண்ட்டினை அடுத்த விக்கெட் கீப்பராக உருவாக்கும் முயற்சியை இந்திய அணி மேற்கொண்டு வருகிறது. அதற்காக டி20 போட்டிகளில் தொடர்ச்சியாக ரிஷப்க்கு வாய்ப்பு வழங்கப்பட்டு வருகிறது. 

இந்நிலையில் ரிஷப் பண்ட்டிற்கு ஆஸ்திரேலிய அணியின் முன்னாள் வீரரும் கீப்பருமான கில்கிறிஸ்ட் அறிவுரை வழங்கியுள்ளார். அதில், “இந்திய ரசிகர்கள் தோனியை வேறு யாருடனும் ஒப்பீடு செய்யக் கூடாது. அவர் மிகப்பெரிய சாதனைகளை செய்துள்ளார். ஒரு நாள் யாரேனும் ஒருவர் அந்த உச்சத்தை எட்டக்கூடும். ஆனால், அவ்வளவு எளிதில் அது நடக்க வாய்ப்பில்லை. ரிஷப் பண்ட் திறமை வாய்ந்த இளம் வீரராக உள்ளார். தொடக்கத்திலே அவர் மீது அதிக அழுத்தத்தை கொடுக்க வேண்டாம். ஒவ்வொரு நாளும் தோனியைப் போல் விளையாடுவார் என எதிர்பார்க்கக் கூடாது. 

தோனியின் கீப்பிங் ஸ்டையிலை காப்பி அடிக்க வேண்டாம். அவரைப் போல் இருக்க நினைக்க வேண்டாம். தோனியைப் போல் இருப்பதை காட்டிலும், உங்களைப் போல் நீங்கள் இருங்கள். தோனியிடம் இருந்து என்னவெல்லாம் முடியுமோ அதனையெல்லாம் கற்றுக் கொள்ளுங்கள். உங்களால் கொடுக்க முடிந்ததை கொடுங்கள்” என்று கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close