[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

சர்வதேச கிரிக்கெட்டிலிருந்து ஓய்வு பெற்றார் ஆம்லா..!

hashim-amla-retires-from-international-cricket

சர்வதேச கிரிக்கெட்டிலிருந்து தென் ஆப்பிரிக்க வீரர் ஹாசிம் ஆம்லா ஓய்வை அறிவித்துள்ளார். 

தென் ஆப்பிரிக்கா அணியின் முன்னணி வீரர் ஹாசிம் ஆம்லா. இவர் தென் ஆப்பிரிக்கா அணிக்காக 124 டெஸ்ட் போட்டிகள், 181 ஒருநாள் போட்டிகள், 44 டி20 போட்டிகளில் விளையாடியுள்ளார். இவர் மொத்தமாக சர்வதேச கிரிக்கெட் போட்டியில் 18672 ரன்கள் எடுத்துள்ளார். அத்துடன் மொத்தமாக 55 சதங்கள் மற்றும் 88 அரைசதங்கள் ஆகியவற்றை அடித்துள்ளார். மேலும் டெஸ்ட் தொடரில் தென் ஆப்பிரிக்கா சார்பில் 300 ரன்களை கடந்த ஒரே வீரர் ஆம்லா தான். 

இந்நிலையில் 36 வயதான ஹாசிம் ஆம்லா சர்வதேச கிரிக்கெட் போட்டிகளிலிருந்து ஓய்வை அறிவித்துள்ளார். இது தொடர்பாக ஆம்லா, “தென் ஆப்பிரிக்கா அணிக்காக நான் விளையாடியதற்கு கடவுளுக்கு நன்றி. இந்தக் கிரிக்கெட் பயணத்தில் நான் நிறைய பாடங்கள் கற்றுக் கொண்டுள்ளேன். அத்துடன் கிரிக்கெட் வாழ்வில் நல்ல நண்பர்கள் பலரையும் சம்பாதித்துள்ளேன். 

எனது கிரிக்கெட் பயணத்திற்கு உதவியாக இருந்த எனது தாய் மற்றும் தந்தைக்கு நன்றிகளை தெரிவித்துக் கொள்கிறேன். அதேபோல என்னுடன் விளையாடிய கிரிக்கெட் வீரர்களுக்கும் எனது நன்றியை தெரிவிக்கிறேன். மேலும் என்னை எப்போதும் ஊக்குவித்த ரசிகர்களுக்கும் எனது மனமார்ந்த நன்றி” எனத் தெரிவித்துள்ளார். 

ஒருநாள் கிரிக்கெட் வரலாற்றில் அதிவேகமாக 2000,3000,4000,5000,6000,7000 ஆகிய ரன்களை கடந்த வீரர் என்ற சாதனைக்கு ஹாசிம் ஆம்லா சொந்தக்காரராவர் என்பது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close