[X] Close
JUST IN
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS ப.சிதம்பரத்தை அவதிக்குள்ளாக்க வேண்டும் என்பதே அமலாக்கத்துறையின் எண்ணம் - கபில் சிபல்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்
  • BREAKING-NEWS அடுத்த 5 நாட்களுக்கு கனமழை நீடிக்கும் - இந்திய வானிலை ஆய்வு மையம்

’தோனியின் அர்ப்பணிப்பு...’: கவுதம் காம்பீர் திடீர் பாசம்!

gautam-gambhir-reacts-on-ms-dhoni-s-decision-to-join-indian-army-in-kashmir

’ராணுவ சேவை செய்வதன் மூலம் தனது அர்ப்பணிப்பை தோனி நிரூபித்துள்ளார்’ என்று இந்திய கிரிக்கெட் அணியின் முன்னாள் தொடக்க ஆட்டக்காரரும் பாஜக எம்.பியுமான கவுதம் காம்பீர் தெரிவித்துள்ளார். 

இந்திய கிரிக்கெட் அணியின் முன்னாள் கேப்டன் தோனி, ராணுவத்தில் கவுரவ லெப்டினன்ட் கர்னலாக இருக்கிறார். காஷ்மீரில், இந்திய ராணுவத்தின் பாராசூட் ரெஜிமெண்டில் வீரர்களுடன் இணைந்து பயிற்சி பெற அவருக்கு அனுமதி வழங்கப்பட்டதை அடுத்து, பணியில் இணைந்தார். வரும் 31 ஆம் தேதி முதல் ஆகஸ்ட் 15 ஆம் தேதி வரை, விக்டர் படையுடன் இணைந்து காஷ்மீரில் ரோந்து பணியில் ஈடுபட இருக்கிறார்.

தோனி, ராணுவத்தில் இணைந்துள்ளது குறித்து பேசிய ராணுவத் தளபதி பிபின் ராவத், “தோனி, அடிப்படை ராணுவப் பயிற்சிகளை செய்திருக்கிறார். தன் பணிகளை அவரால் சிறப்பாக செய்ய முடியும் என நம்புகிறோம்” எனத் தெரிவித்துள்ளார்.

இந்நிலையில் தோனி, இந்திய கிரிக்கெட் அணியில் இருந்து ஓய்வு பெற வேண்டும் என்று கடுமையாக விமர்சித்து வந்த கவுதம் காம்பீர், இப்போது தோனியை திடீரென பாராட்டியுள்ளார். 

அவர் கூறும்போது, ‘’ராணுவத்தில் இணைவது என்கிற தோனியின் முடிவு சிறப்பானது. ’உண்மையில் சீருடையை அணிய விரும்பினால், ராணுவத்துடன் நேரத்தை செலவிட வேண்டும்’ என்று பலமுறை அவரிடம் தெரிவித்திருக்கிறேன். இப்போது ராணுவத்துக்கு சேவை செய்ய முடிவு செய்திருப்பதன் மூலம் தனது அர்ப்பணிப்பை நிரூபித்துள்ளார் தோனி. அவரது இந்த செயல், ஆயிரக்கணக்கான இளைஞர்கள், ராணுவத்தில் சேர தூண்டுகோலாக இருக்கும்’’ என்று கூறியுள்ளார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close