[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

டிவில்லியர்ஸ் விளாசல்: பெங்களூரு அணிக்கு 4 வது வெற்றி

de-villiers-stars-as-royal-challengers-bangalore-storm

பஞ்சாப் அணிக்கு எதிரான ஆட்டத்தில், டிவில்லியர்ஸின் அதிரடி ஆட்டத்தால் பெங்களூரு அணி 17 ரன் வித்தியாசத்தில் வெற்றி பெற்றது.

ஐபிஎல் தொடரில் ராயல் சேலஞ்சர்ஸ் பெங்களூரு, கிங்ஸ் லெவன் பஞ்சாப் அணிகளுக்கு இடையிலான 42வது லீக் போட்டி பெங்களூர் சின்னசாமி மைதானத்தில் நேற்று நடந்தது. டாஸ் வென்ற பஞ்சாப் அணி முதலில் பந்துவீச தீர்மானித்தது. அதன்படி முதலில் பேட்டிங் செய்த பெங்களூரு அணியில் பார்த்தீவ் படேல், விராத் கோலி தொடக்க வீரர்களாக களமிறங்கினர்.

கோலி 8 பந்தில் 13 ரன்கள் எடுத்து ஷமி பந்துவீச்சில் ஆட்டமிழந்தார். அதிரடியாக விளையாடிய பார்த்தீவ் 24 பந்தில் 43 ரன்கள் எடுத்து முருகன் அஷ்வின் பந்துவீச்சில் அவுட் ஆனார். 

பெங்களூரு அணி 6 ஓவரில் 2 விக்கெட் இழப்புக்கு 71 ரன்கள் எடுத்தது. டிவில்லியர்ஸ் ஒரு புறம் நிதானமாக விளையாட மொயின் லி 4, நாத் 3 ரன்னில் அடுத்தடுத்து ஆட்டமிழந்தனர். 81 ரன்னில் பெங்களூர் 4 விக்கெட் இழந்தது. பின்னர், டிவில்லியர்ஸ் உடன் ஸ்டொய்னிஸ் ஜோடி சேர்ந்தார். இருவரும் நிதானமாக விளையாடினர்.

டிவில்லியர்ஸ் அதிரடியாக விளையாடி அரைசதம் அடித்தார். கடைசி நேரத்தில் சிக்சர் மழை பொழிந்தார். ஆட்ட நேர முடிவில் பெங்களூரு அணி 4 விக்கெட் இழப்புக்கு 202 ரன் குவித்தது.  டிவில்லியர்ஸ் 44 பந்துகளில் 82 ரன்கள் குவித்தும் ஸ்டொய்னிஸும் 24 பந்தில் 43 ரன்கள் அடித்தும் ஆட்டமிழக்காமல் இருந்தனர்.

பின்னர் 203 ரன் எடுத்தால் வெற்றி என்ற இமாலய இலக்குடன் பஞ்சாப் அணி களமிறங்கியது. அந்த அணியின் கே.எல்.ராகு ல் (27 பந்தில் 42 ரன்), கிறிஸ் கெயில் (10 பந்தில் 23 ரன்) மயங்க் அகர்வால் (21 பந்தில் 35 ரன்) பூரன் (28 பந்தில் 46 ரன்) ஆகி யோர் சிறப்பாக ஆடினர். இதனால் 17 வது ஓவர் வரை பஞ்சாப் அணி, வெற்றியின் பக்கம் இருந்தது. ஆனால் அடுத்து பெங்களூரு பந்துவீச்சாளர்கள் சிறப்பாக வீசி, பஞ்சாப் வீரர்களை சாய்த்தனர். இதனால், 20 ஒவர் முடிவில் 7 விக்கெட் இழப்புக்கு 185 ரன் மட்டுமே அந்த அணியால் எடுக்க முடிந்தது. இதையடுத்து 17 ரன் வித்தியாசத்தில் பெங்களூரு அணி அபார வெற்றி பெற்றது.

பெங்களூரு அணி தரப்பில் உமேஷ் யாதவ் 3 விக்கெட்டும் சைனி 2 விக்கெட்டும் ஸ்டோயினிஸ், முகமது அலி தலா ஒரு விக்கெட்டும் வீழ்த்தினர். அதிரடியாக 82 ரன் குவித்த டிவில்லியர்ஸ் ஆட்ட நாயகன் விருது பெற்றார். பெங்களூரு அணி பெற்ற 4 வது வெற்றி இது.
 

Advertisement:
Advertisement:
Advertisement:
[X] Close