[X] Close
JUST IN
  • BREAKING-NEWS 2016 தேர்தலில் திருப்பரங்குன்றம் தொகுதியில் அதிமுகவின் ஏ.கே.போஸ் வெற்றி பெற்றது செல்லாது - உயர்நீதிமன்றம்
  • BREAKING-NEWS மக்களவை, சட்டமன்ற இடைத்தேர்தலில் அதிமுக வெற்றி பெற எனது தொண்டர்கள் பாடுபடுவர் - அதிமுகவுக்கு ஜெ.தீபா ஆதரவு
  • BREAKING-NEWS 7 பேர் விடுதலை செய்யப்பட நடவடிக்கை மேற்கொள்ளப்படும் - அமமுகவின் தேர்தல் அறிக்கை
  • BREAKING-NEWS சென்னையில் உள்ள வக்ஃபு வாரிய அலுவலகத்தில் சிபிஐ அதிகாரிகள் சோதனை நடத்திவருகின்றனர்; மதுரை வக்ஃபு வாரிய கல்லூரி ஆசிரியர்கள் நியமன முறைகேடு விவகாரம் தொடர்பாக சிபிஐ விசாரித்து வருகிறது
  • BREAKING-NEWS முன்னாள் கிரிக்கெட் வீரர் கவுதம் காம்பீர் இன்று பாரதிய ஜனதா கட்சியில் இணைந்தார்
  • BREAKING-NEWS திண்டுக்கல் நாடாளுமன்ற தொகுதியில் நாம் தமிழர் கட்சி சார்பில் நடிகர் மன்சூர் அலிகான் போட்டி; வேட்பு மனு தாக்கல் செய்தார்
  • BREAKING-NEWS மதுரை மக்களவை தொகுதி மார்க்சிஸ்ட் வேட்பாளர் சு.வெங்கடேசன் வேட்பு மனு தாக்கல் செய்தார்

“மறுமுனையில் தோனி இருக்கும் போது கவலைப்பட தேவையில்லை” கேதர் ஜாதவ்

hyderabad-odi-kedar-jadhav-ms-dhoni-power-india-to-6-wicket-win-over-australia

ஆஸ்திரேலியாவுக்கு எதிரான முதலாவது ஒருநாள் போட்டியில், 81 ரன்கள் குவித்த கேதர் ஜாதவ் ஆட்டநாயகன் விருதினை தட்டிச் சென்றார்.  

டாஸ் வென்று முதலில் பேட்டிங் செய்த ஆஸ்திரேலிய அணி 50 ஓவர்கள் முடிவில் 7 விக்கெட் இழப்புக்கு 236 ரன்கள் எடுத்தது. அந்த அணியில் கவாஜா அதிகபட்சமாக 50(76) ரன்கள் எடுத்து ஆட்டமிழந்தார். மேக்ஸ்வெல் 40, ஸ்டோய்னிஸ் 37, கர்ரே 36 ரன்கள் எடுத்தனர். இந்திய அணி தரப்பில் முகமது சமி, பும்ரா, குல்தீப் யாதவ் தலா இரண்டு விக்கெட் சாய்த்தனர். 

பின்னர், விளையாடிய இந்திய இந்திய அணி 100 ரன்களை எட்டுவதற்கு 4 முக்கிய விக்கெட்களை இழந்து தடுமாறியது. ஒரு விக்கெட் இழப்புக்கு 80 ரன்கள் என்ற வலுவான நிலையில் இந்திய அணி இருந்தது. ஆனால், விராட் 44, ரோகித் 37, ராயுடு 13 என அடுத்தடுத்து ஆட்டமிழந்தனர். பின்னர், தோனி-கேதர் ஜாதவ் ஜோடி இந்திய அணியை சரிவில் இருந்து மீட்டு, வெற்றிப்பாதைக்கு அழைத்துச் சென்றது. 

   

இந்திய அணி 99 ரன்களுக்கு 4 விக்கெட்களை இழந்து தடுமாறிய நிலையில், தோனி - கேதர் ஜோடி 5வது விக்கெட்டுக்கு 141 ரன்கள் எடுத்து இறுதிவரை களத்தில் நின்றது. இறுதியில், இந்திய அணி 48.2 ஓவர்களில் 240 ரன்கள் எடுத்து 6 விக்கெட் வித்தியாசத்தில் வெற்றி பெற்றது. டி20 தொடரை இழந்த நிலையில், ஒருநாள் தொடரில் இந்திய அணிக்கு இது நல்ல தொடக்கமாக அமைந்துவிட்டது.

      

கேதர் ஜாதவ் 81(87), தோனி 59(72) ரன்களுடன் ஆட்டமிழக்காமல் இருந்தனர். 81 ரன்கள் எடுத்த கேதர் ஆட்டநாயகனாக தேர்வு செய்யப்பட்டார். ஆஸ்திரேலியாவுக்கு எதிராக ஒருநாள் போட்டிகளில் தோனி தொடர்ச்சியாக 4வது அரைசதம் அடித்துள்ளார்.

          

போட்டிக்கு பின்னர் கேதர் ஜாதவ் பேசுகையில், “சமீபத்தில் ஆஸ்திரேலியாவிலும் இதுபோன்ற போட்டி ஒன்றில் சேஸ் செய்தோம். உங்களுக்கு மறுமுனையில் தோனி இருக்கும் போது, நீங்கள் அதிகம் கவலைப்பட தேவையில்லை. அவரிடம் இருந்து நிறைய கற்றுக் கொண்டேன். மிடில் ஆர்டரில் ஆட்டத்தை கணித்து விளையாட அவரைவிட சிறந்தவர் யாரும் இல்லை. ஒவ்வொரு போட்டியிலும் வெற்றி பெற விரும்புகிறோம். எங்கள் கேப்டனிடம் இருந்து நிறைய கற்றுள்ளோம்” என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close