[X] Close
JUST IN
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்
  • BREAKING-NEWS மதுரை பாலமேட்டில் ஜல்லிக்கட்டு தொடங்கியது; வாடிவாசலில் இருந்து முதலில் கோவில் காளைகள் அவிழ்த்து விடப்பட்டன
  • BREAKING-NEWS மக்களவை தேர்தலுக்காக முதல்வர் மீது பொய் பரப்புரை செய்தால் மக்கள் பாடம் புகட்டுவர்; அரசியல் காழ்ப்புணர்வால் கோடநாடு விவகாரத்தில் பொய் புகார் பரப்பப்படுகிறது - அமைச்சர் தங்கமணி

மீண்டும் ஜென்டில்மேன் என நிருபித்த டிராவிட்

rahul-dravid-voices-concern-over-disparity-in-prize-money

இளையோர்  உலகக்கோப்பை அணியில் இடம்பெற்றிருந்த அனைவருக்கும் ஒரே மாதிரியான பரிசுத்தொகை வழங்கவேண்டும் தனக்கு மட்டும் ஏன் கூடுதல் தொகை என பிசிசிஐயிடம் டிராவிட் தனது அதிருப்தியை வெளிப்படுத்தியுள்ளார்.

19வயதுக்குட்பட்டவர்களுக்காக  உலகக்கோப்பை கிரிக்கெட் போட்டி நியூசிலாந்தில் நடைப்பெற்றது. இந்தப் போட்டி தொடங்கியதும் அனைவரின் கண்களும் இந்திய அணி பக்கம் இருந்தது. அதற்கு காரணம் ராகுல் டிராவிட் தான். இந்திய கிரிக்கெட் அணியின் சுவர் என வர்ணிக்கப்படும் டிராவிட் தான் இளையோர் அணியின் பயிற்சியாளர். உலகக்கோப்பை தொடர் தொடங்கியதில் இருந்தே இந்திய வீரர்களின் செயல்பாடுகள் சிறப்பாக இருந்தது.  காலிறுதியில் ஆஸ்திரேலியாவை வீழ்த்தியது. அரையிறுதியில் பாகிஸ்தான் அணியை பந்தாடியது. இந்தப்போட்டியில் பாகிஸ்தான் வீரரின் அதிகபட்ச ஸ்கோரே 18 தான். இந்தப்போட்டியில் இந்திய அணி மகத்தான வெற்றி பெற்றது.

அரையிறுதியில் தோல்வியடைந்த பாகிஸ்தான் அணி வீரர்களுக்கு, அவர்களின் உடை மாற்றும் அறைக்கே நேரில் சென்று டிராவிட் ஆறுதல் கூறினார்.  இந்தத்தகவலை டிராவிட்டே பத்திரிகையாளர் சந்திப்பில் தெரிவித்தார். இந்திய அணி உலகக்கோப்பையை கைப்பற்றிய பின்னரும் தன்னடக்கத்துடனே நடந்து கொண்டார். இந்த வெற்றிக்கு வீரர்களே முழுக்காரணம். அவர்களை நினைத்து பெருமையாக இருக்கிறது என்றார். இவர்களுக்கு உறுதுணையாக இருந்த உதவியாளர்களையும் பாராட்டுகிறேன் எனக்கூறினார்.

உலகக் கோப்பையை கைப்பற்றிய இந்திய அணிக்கு பிசிசிஐ பரிசுத்தொகையை அறிவித்தது. தலைமைப் பயிற்சியாளர் ராகுல் டிராவிட்டுக்கு 50 லட்சம், இந்திய அணியில் இடம்பெற்றிருந்த வீரர்களுக்கு தலா 20 லட்சம், அணி வெற்றிக்கு உறுதுணையாக இருந்த ஊழியர்களுக்கு தலா 20 லட்சம் பரிசுத்தொகை அறிவிக்கப்பட்டுள்ளது.

தற்போது இந்த பரிசுத்தொகையில் உள்ள வேறுபாட்டிற்கு டிராவிட் அதிருப்தி தெரிவித்துள்ளார். இதுதொடர்பாக பிசிசிஐயிடம், தனக்கு மட்டும் ஏன் அதிகமாக பரிசுத்தொகை. இதர பயிற்சியாளர்களும் வெற்றிக்காக பாடுபட்டுள்ளனர். அனைவருக்கும் ஒரே மாதிரியான பரிசுத்தொகை வழங்கவேண்டும் என தெரிவித்தாக கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close