JUST IN
  • BREAKING-NEWS ரம்ஜான் அன்று டெல்லியில் தாக்குதல் நடக்கலாம்: உளவுத்துறை
  • BREAKING-NEWS சென்னை: தி.நகர், கிண்டி, ஈக்காட்டுத்தாங்கல், பம்மல், உள்ளிட்ட பகுதிகளில் மழை
  • BREAKING-NEWS எல்லை தாண்டி மீன்பிடித்ததாக 8 தமிழக மீனவர்கள் கைது
  • BREAKING-NEWS திருவள்ளூர் மாவட்டம் திருத்தணி, பள்ளிப்பட்டு உள்ளிட்ட பகுதிகளில் கனமழை
  • BREAKING-NEWS அதிமுகவை பினாமி ஆட்சி என திமுக சொல்வது வேடிக்கையாக உள்ளது: தம்பிதுரை
  • BREAKING-NEWS 55 கூட்டுறவு சங்கங்களுக்கான தேர்தல் ஜூலை 7ஆம் தேதி நடைபெறுகிறது
  • BREAKING-NEWS இஸ்லாமியர்களுக்கு இஃப்தார் விருந்து அளித்தார் பிரணாப் முகர்ஜி
  • BREAKING-NEWS அமெரிக்காவுடனான நட்புறவால் இந்தியா பயன்பெறும்: மோடி
  • BREAKING-NEWS திருச்சி சிறையில் அடிப்படை வசதிகள் இல்லை எனக்கூறி இலங்கை அகதிகள் உண்ணாவிரதம்
  • BREAKING-NEWS புதுச்சேரி ஆளுநர் மாளிகையில் இஸ்லாமியர்களுக்கு கிரண்பேடி இஃப்தார் விருந்து அளித்தார்
  • BREAKING-NEWS 10ஆம் வகுப்பு மறுகூட்டல் மதிப்பெண் பட்டியல் www.dge.tn.gov.inஇல் வெளியீடு
  • BREAKING-NEWS பாகிஸ்தானில் நடந்த இரட்டை குண்டு வெடிப்பில் 10 பேர் பலி, 50 பேர் காயம்
  • BREAKING-NEWS ஆர்.கே.நகர் பணப்பட்டுவாடா வழக்கு - தமிழக அரசுக்கு உயர்நீதிமன்றம் நோட்டீஸ்
  • BREAKING-NEWS ஆர்.கே.நகர் பணப்பட்டுவாடா வழக்கு - காவல்துறை சி.டி.ஆதாரத்தை தாக்கல் செய்தது
விளையாட்டு 20 May, 2017 07:36 AM

கரண் சுழலில் சுருண்டது கொல்கத்தா: ஃபைனலில் மும்பை!

ஐபிஎல் கிரிக்கெட் தொடரில் கொல்கத்தா அணியை வீழ்த்தி மும்பை அணி இறுதிப் போட்டிக்கு முன்னேறியது.

ஐ.பி.எல். கிரிக்கெட் தொடரில், இறுதிப்போட்டிக்கான 2-வது தகுதி சுற்றில் முன்னாள் சாம்பியன்கள் மும்பை அணியும் கொல்கத்தாவும் நேற்று மோதின. பெங்களூரில் நடந்த இந்தப் போட்டியில் டாஸ் வென்ற மும்பை கேப்டன் ரோகித் சர்மா, முதலில் பந்து வீச்சை தேர்வு செய்தார். அந்த அணியின் சுனில் நரேனும், கிறிஸ் லினும் தொடக்க ஆட்டக்காரர்களாக களம் இறங்கினர். மும்பை அணியின் அனல் பறந்த பந்து வீச்சில் கொல்கத்தா முதல் ஓவரிலேயே தடுமாறியது.

கிறிஸ் லின், 4 ரன்னில் பும்ராவின் பந்து வீச்சில் பொல்லார்டிடம் கேட்ச் ஆனார். அடுத்த தொடக்க வீரர் சுனில் நரேன், கரண் ஷர்மாவின் சுழலை, இறங்கி வந்து அடிக்க முயல, பார்த்திவ் படேலால் ஸ்டம்பிங் செய்யப்பட்டார். அவர் எடுத்த ரன்கள் 10. ராபின் உத்தப்பா 1 ரன்னில் பும்ரா பந்து வீச்சில் எல்பிடபிள்யூ ஆனார். 6 ஓவர்களில் அந்த அணி 3 விக்கெட்டுக்கு 25 ரன்கள் மட்டுமே எடுத்து பரிதாபமாக இருந்தது.

பின்னர் கரண் ஷர்மா தனது ஒரே ஓவரில் கம்பீர் 12 ரன், கிரான்ட்ஹோம் ஆகியோரை அடுத்தடுத்து காலி செய்ய, நிலைகுலைந்தது கொல்கத்தா. அடுத்து வந்தவர்களில் சூர்யகுமார் யாதவ் மட்டும் போராடி 31 ரன்கள் எடுக்க,
ஜக்கி தன் பங்குக்கு 28 ரன் எடுத்தார். அந்த அணி 18.5 ஓவர்களில் 107 ரன்களுக்கு ஆல் அவுட் ஆனது.

மும்பை தரப்பில் கரண் ஷர்மா 4 ஓவர்களில் 16 ரன் மட்டுமே கொடுத்து 4 விக்கெட்டுகளை வீழ்த்தினார். பும்ரா 3 விக்கெட்டுகளையும் ஜான்சன் 2 விக்கெட்டுகளையும் சாய்த்தனர். மலிங்கா ஒரு விக்கெட்டை கைப்பற்றினார்.

அடுத்து ஆடிய மும்பை அணியில் சிம்மன்ஸ் 3 ரன், பார்த்தீவ் பட்டேல் 14 ரன், அம்பத்தி ராயுடு 6 ரன், ரோகித் சர்மா 26 ரன் என விக்கெட்டுகளை பறிகொடுத்தாலும் குணால் பாண்ட்யா நிலைத்து நின்று ஆடினார். அவர் 30 பந்துகளில் 45 ரன்கள் எடுத்து அணியின் வெற்றிக்கு வித்திட்டார்.
மும்பை 14.3 ஓவர்களில் 4 விக்கெட்டுக்கு 108 ரன்கள் சேர்த்து வெற்றி பெற்று இறுதிப்போட்டிக்கு முன்னேறியது. கரண் சர்மா ஆட்ட நாயகன் விருது பெற்றார்.

Related Tags : Ipl mumbai kolkatta
Advertisement:
Advertisement:
puthiyathalaimurai ads