[X] Close
JUST IN
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்

சிலிண்டர் மூலமாக இயங்கும் சலவை பெட்டி..!

gas-iron-box-with-cylinder-is-introduced-in-kovai

எரிவாயு சிலிண்டர் மூலமாக இயங்கும் சலவை பெட்டியை முதல்முறையாக  தமிழகத்தில் அறிமுகப்படுத்தி உள்ளனர். 

இந்தியன் ஆயில் கார்பரேஷன் நிறுவனம், தனியார் நிறுவனத்துடன் இணைந்து எரிவாயு சிலிண்டர் மூலமாக இயங்கும் சலவை பெட்டியை தமிழகத்தில் அறிமுகப்படுத்தி உள்ளனர். இதன் மூலமாக சலவை தொழிலாளர்கள் இனி கரிப்பெட்டியில் இருந்து விடுபட்டு, குறைந்த செலவில் இந்தச் சலவை பெட்டியை பயன்படுத்த முடியும் எனத் தெரிவித்து உள்ளனர். 

முந்தைய காலத்தில் இருந்து, தற்போது வரை சலவை தொழிலாளிகள் கரியை,  சலவை பெட்டிகளில் அடைத்து அதன் மூலமாக சூட்டை ஏற்படுத்தியே சலவை தொழிலை செய்து வருகின்றனர். இதன் காரணமாக பல்வேறு பிரச்னைகளை சலவை தொழிலாளர்கள் சந்தித்து வருகின்றனர்.  குறிப்பாக, கார்பன்டை ஆக்சைட் அதிக அளவில் வெளியேறுவதால் அதனை நாம் சுவாசிக்கும் போது உடல் நலம் பாதிப்பு ஏற்படுகிறது. எனவே அதில் இருந்து விடுபடும் வகையில் இந்தச் சலவை பெட்டியை உருவாக்கி உள்ளனர்.

5 கிலோ எடை கொண்ட எரிவாயு சிலிண்டர் மூலமாக சலவை பெட்டியை எளிதில் பயன்படுத்த முடியும். மற்ற சலவை பெட்டியின் விலையிலே இந்தச் சலவை பெட்டியும் கிடைக்கும். இதன் விலை 6500 ரூபாய். எந்த வித எரிவாயு சிலிண்டர் மூலமாகவும் இதனை பயன்படுத்தலாம்.

மேலும் வீட்டில் பயன்படுத்தும் எரிவாயு சிலிண்டரில் இணைத்தும் இதனை  பயன்படுத்த முடியும். மின்சார கட்டணத்தை விட இரு மடங்கு குறைந்த அளவிலான செலவே இதற்கு ஆவதாக கூறுகின்றனர். ஒரு மணி நேரத்திற்கு 50 பைசா மட்டுமே இதில் செலவாவதாக தெரிவிக்கின்றனர். மேலும் கரி கிடைப்பதில் அதிகளவு சிரமத்தை சந்திப்பதால் இந்தப் பெட்டி மிகவும் உபயோகமாக இருக்கும் என்றும் கூறுகின்றனர்.  இரண்டு நிமிடங்களில் இந்தச் சலவை பெட்டி சூடாகி விடும். யார் வேண்டுமானாலும் எளிதில் பயன்படுத்தும் வகையில் இந்தச் சலவை பெட்டி அமைந்து உள்ளதால், பொதுமக்கள் மத்தியிலும் வரவேற்பை பெரும் என எதிர்பார்க்கப்படுகிறது.

Advertisement:
Advertisement:
Advertisement:
[X] Close