[X] Close
JUST IN
  • BREAKING-NEWS செல்போனை திருடியதாக சிறுவன் அடித்துக்கொலை
  • BREAKING-NEWS புழல் சிறையில் இருந்த எம்எல்ஏ கருணாஸ் வேலூர் சிறைக்கு மாற்றம்
  • BREAKING-NEWS எக்காரணத்தை கொண்டும் ரஃபேல் ஒப்பந்தம் ரத்து செய்யப்படாது - மத்திய அமைச்சர் அருண் ஜெட்லி
  • BREAKING-NEWS ஸ்டெர்லைட் ஆலையில் ஓய்வு பெற்ற நீதிபதி தருண் அகர்வாலா தலைமையிலான குழு ஆய்வு
  • BREAKING-NEWS 2018 ஆம் ஆண்டிற்கான சிறந்த சர்வதேச நடிகருக்கான IARA விருதுக்கு மெர்சல் படத்தில் நடித்ததற்காக விஜய் தேர்வு
  • BREAKING-NEWS முதல்வர், காவல்துறை குறித்து அவதூறாக பேசிய வழக்கில் சட்டமன்ற உறுப்பினர் கருணாஸ் கைது
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்

ரஜினியுடன் ரசிகர்கள் சந்திப்பு அரசியலுக்கு வித்திடுமா?

will-rajinikanth-s-audience-meet-politics

கோடை வெப்பத்தையும் மிஞ்சும் வகையில் அனலில் தகிக்கிறது தமிழக அரசியல் களம். இந்தச் சூழலில், 10 ஆண்டுகளுக்கு பிறகு  நடிகர் ரஜினிகாந்த் தனது ரசிகர்களை சந்திக்கவிருப்பது பல்வேறு யூகங்களுக்கு வழிவகுத்திருக்கிறது.

அரசியல் தலைவர்கள் அடுத்தடுத்து ரஜினிகாந்த்தை வந்து சந்தித்து வரும் வேளையில், அவர் ரசிகர்களுடன் தனித்தனியாக புகைப்படம் எடுக்கும் நாளுக்காக பரபரப்பாக காணப்படுகிறது போயஸ் கார்டன். திரைப்படங்கள் வெளியாகும் போதெல்லாம்  ரசிகர்களை சந்திப்பதை வழக்கமாகக் கொண்டிருந்த ரஜினிகாந்த், 2007 ஆம் ஆண்டுக்கு பிறகு அதனை முற்றிலுமாக தவிர்த்து வந்தார். ரஜினியை அரசியலில் கால் பதிக்க வலியுறுத்தி அவரது ரசிகர்கள் பட்டி தொட்டியெங்கும் சுவரொட்டிகளையும்  பதாகைகளையும் வைத்து அழைப்பு விடுத்ததும் அதற்கு காரணமாக சுட்டிக்காட்டப்பட்டது.

இந்நிலையில், 10 ஆண்டுகளுக்கு பிறகு, தனது ரசிகர்களை மீண்டும் சந்தித்து தனித்தனியாக புகைப்படம் எடுத்துக் கொள்ளவும் பச்சைக் கொடி காட்டியுள்ளார்.  சென்னை, கோடம்பாக்கத்தில் ரஜினிகாந்திற்கு சொந்தமான ராகவேந்திரா திருமண மண்டபத்தில், வரும் 15 ஆம் தேதி முதல் 19  ஆம் தேதி வரை ரசிகர்களை சந்திப்பதற்கான நிகழ்ச்சி நிரல் வடிவமைக்கப்பட்டுள்ளது. கன்னியாகுமரி, நெல்லை, திருச்சி, அரியலூர், தஞ்சை, கரூர், கடலூர் உள்ளிட்ட 15 மாவட்ட நிர்வாகிகளை முதற்கட்டமாக சந்தித்து தனித்தனியாக புகைப்படம் எடுத்துக்கொள்ள உள்ளார்.

ரஜினிகாந்துடன் புகைப்படம் எடுத்துக்கொள்ளும் நாளுக்காக ஆவலுடன் காத்திருப்பதாகக் கூறுகின்றனர் அவரது ரசிகர்கள். ரஜினிகாந்த் தனது படங்கள் சிலவற்றில் பேசிய வசனங்களை அவரது அரசியல் பிரவேசத்திற்கான அச்சாரமாகத்தான் ரசிகர்கள் கருதி வந்தனர். ஆனால், அதற்கான அறிகுறி எதுவும் அவரது பேச்சிலோ அல்லது செயலிலோ இருந்ததாகத் தெரியவில்லை.

இத்தகைய சூழலில், ரஜினிகாந்த் - ரசிகர்கள் இடையிலான சந்திப்பின் வெளிப்பாடு என்னவென்பதை காலம்தான் உரைக்கும்.

 

Advertisement:
Advertisement:
Advertisement:
[X] Close