[X] Close
JUST IN
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்

அனல் பறக்கும் ஆன்லைன் பட்டாசு விற்பனை !

crackers-sale-in-online

தீபாவளி பண்டிகை நெருங்குவதையொட்டி ஆன்லைனில்‌ பட்டாசு விற்பனை தீவிரம் அடைந்துள்ளது. இந்த ஆண்டு 200 முதல் 300 கோடி ரூபாய் வரை ஆன்லைனில் பட்டாசு வர்த்தகம் நடைபெறும் என்று ஆன்லைன் பட்டாசு வர்த்தகர்கள் எதிர்பார்ப்புடன் காத்திருக்கிறார்கள்.

தீபாவளி பண்டிகை வரும் அக்டோபர் 29-ஆம் தேதி நாடு முழுவதும் கொண்டாடப்படுவதையொட்டி சிவகாசியில் பட்டாசு விற்பனை தீவரமடைந்துள்ளது. சிவகாசிக்கே நேரில் சென்று பட்டாசு வாங்குவோர் ஒருபுறம் இருக்க, மறுபுறம், ஆன்லைனில் பட்டாசுகளை வாங்குவோர் அதிகரித்து வருகிறார்கள்.

சிவகாசியில் கிடைக்கும் நியாயமான விலைக்கே ஆன்லைனில் தரமான பட்டாசுகளை வழங்கி வருவதால் நாளுக்கு நாள் ஆன்லைனில் பட்டாசு விற்பனை அதிகரிப்பதாகவும் கூறுகிறார்கள் ஆன்லைன் பட்டாசு வர்த்தகர்கள்.

சுமார் 300 வகையான பட்டாசுகள் ஆன்லைன் மூலம் விற்பனை செய்யப்படுவதோடு, ஆர்டர் செய்து ஒரு வாரத்திற்குள் வாடிகையாளர்களுக்கு கிடைக்கும் வகையில் டோர் டெலிவரி செய்யப்படுவதாக வர்த்தகர்கள் தெரிவிக்கின்றனர்.

சிவகாசியில் உள்ளவர்கள் கூட வெளியூர் மற்றும் வெளிமாநிலங்களில் வசிக்கும் உறவினர்களுக்கு எளிமையான முறையில் ஆன்லைன் பட்டாசுகள் அனுப்புவதாக கூறுகிறார்கள்.

கடந்த மூன்று ஆண்டுகளாக குறிப்பிட்ட சில பட்டாசு விற்பனை நிறுவனங்கள் ஆன்லைன் வர்த்தகத்தை நடத்தி வந்த நிலையில் இந்த ஆண்டு 250க்கும் அதிகமான பட்டாசு விற்பனை நிறுவனங்கள் ஆன்லைன் வர்த்தகத்தில் ஈடுபட்டுள்ள‌ன.

கடந்த ஆண்டு 100 கோடி ரூபாய் ஆன்லைன் பட்டாசு வர்த்தகம் நடைபெற்ற நிலையில் இந்த ஆண்டு வர்த்தகம் பல மடங்கு அதிகரித்து 200 முதல் 300 கோடி ரூபாய் ஆன்லைன் பட்டாசு விற்பனை நடைபெறும் என ‌வர்த்தகர்கள் நம்பிக்கை தெரிவிக்கிறார்கள்.

இது ஒருபுறமிருக்க வாட்ஸ் அப் பேஸ்புக் உள்ளிட்ட சமூக வலைதளங்களின் மூலமாகவும் பட்டாசு விற்பனை விறுவிறுப்படைந்துள்ளது.

ஆன்லைன் வர்த்தகம் நாளுக்கு நாள் அதிகரித்து வரும் நிலையில் சிலர் இதனை பயன்படுத்து தரமற்ற பட்டாசுகளை அதிக விலைக்கு விற்கும் நிலை ஏற்பட வாய்ப்புள்ளதாகவும் இதனால் வாடிக்கையாளர்கள் ஒரு முறைக்கு பல முறை ஆராய்ந்து ஆலோசித்து பின்னர் ஆர்டர் பதிவுசெய்ய வேண்டும் என அறிவுறுத்துகின்றனர் வணிகர்கள்.

Advertisement:
Advertisement:
Advertisement:
[X] Close