[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 76.18 காசுகளாகவும், டீசல் லிட்டருக்கு ரூ. 69.54 காசுகளாகவும் விலை நிர்ணயம்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமல்: குரூர நகைச்சுவை என காங்கிரஸ் கண்டனம்
  • BREAKING-NEWS தென் பெண்ணை ஆற்றில் கர்நாடகா கட்டும் அணைக்கு எதிராக தமிழக அரசு தாக்கல் செய்த வழக்கு: உச்நீதிமன்றம் இன்று தீர்ப்பு
  • BREAKING-NEWS இலங்கை அதிபர் தேர்தலுக்கான பரப்புரை இன்றுடன் ஓய்கிறது

“விளம்பர செலவு ரூ3044 கோடியை கல்விக்கு பயன்படுத்தியிருக்கலாம்” - மாயாவதி சாடல்

money-could-have-been-spent-on-education-health-mayawati-slams-pm-modi-for-allegedly-spending-rs-3044-cr-on-ads

 பகுஜன் சமாஜ் தலைவர் மாயாவதி பிரதமர் மோடியின் ஆட்சியில் விளம்பரங்களுக்கு அதிகமாக செலவு செய்யப்பட்டுள்ளதாக குற்றஞ்சாட்டியுள்ளார்.

மக்களவை தேர்தலில் இன்னும் சில வாரங்களில் தொடங்கவுள்ள நிலையில், நாடு முழுவதும் உள்ள அரசியல் கட்சிகள் மிகவும் மும்முரமாக வேலை செய்துவருகின்றன. நாட்டிலேயே அதிக மக்களவை தொகுதிகளை கொண்ட மாநிலம் உத்தரபிரதேசம். அதனால் அங்கு தேர்தல் பணிகள் கலைகட்டியுள்ளன. அம்மாநிலத்தில், பகுஜன் சமாஜ் கட்சி மற்றும் சமாஜ்வாதி கட்சி கூட்டணியை அமைத்துள்ளன. மேலும் ஆளும் கட்சியாக உள்ள பாஜகவும் அங்கு தீவிர பரப்புரையில் இறங்கியுள்ளது.

                   

இந்நிலையில் பகுஜன் சமாஜ் கட்சியின் தலைவர் மாயாவதி பிரதமர் மோடி குறித்து ட்விட்டரில் ஒரு கருத்தினை பதிவிட்டுள்ளார். அதில் அவர், “பிரதமர் மோடி விளம்பரங்களுக்கு செலவு செய்த ரூ3044 கோடியை கல்வி மற்றும் சுகாதாரத்துறைக்கு பயன்படுத்தியிருக்கலாம். பாஜகவிற்கு மக்கள் நலனைவிட விளம்பரங்களில் தான் அதிக நாட்டம் உள்ளது. அதனால் அவர்கள் விளம்பரத்திற்கு அதிக செலவுகள் செய்துள்ளனர்.

மேலும், “ பாஜக மற்றும் நரேந்திர மோடி தங்கள் ஆட்சியிலுள்ள பின்னடைவுகளை மறைக்க முற்படுகின்றனர். அத்துடன் மக்களை வறுமை மற்றும் வேலையில்லா தீண்டாட்டம் ஆகிய பிரச்னைகளில் இருந்து திசை திருப்புகின்றனர். இதனால் மக்கள் எச்சரிக்கையாகவும் விழிப்புடனும் இருக்கவேண்டும்” எனப் பதிவிட்டுள்ளார்.

                 

மக்களவை தேர்தல் ஏப்ரல் 11 ஆம் தேதி தொடங்கி 7 கட்டங்களாக நடைபெறவுள்ளது. இந்தத் தேர்தலின் 7 கட்டங்களிலும் உத்தரபிரதேசம் மாநிலத்தில் தேர்தல் நடக்கவுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close