[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

“15 லட்சம் போடுவேன்னு பிரதமர் சொல்லவில்லை” - தமிழிசை 

tamilsai-said-about-prime-minister-modi-announcement-15-lakhs

ஒவ்வொருவர் வங்கி கணக்கிலும் 15 லட்சம் ரூபாய் போடுவேன் என பிரதமர் மோடி கூறவில்லை என பாரதிய ஜனதா கட்சியின் மாநிலத் தலைவர் தமிழிசை சவுந்தரராஜன் தெரிவித்துள்ளார்.

ஒருங்கிணைந்த இந்தியா என்ற‌ பெயரில் எதிர்க்கட்சிகள் பங்குகொள்ளும் பொதுக்கூட்டம் கொல்கத்தாவில் நடைபெற்று வருகிறது. மேற்கு வங்க முதலமைச்சர் மம்தா பானர்ஜி எதிர்க்கட்சிகளை ஒருங்கிணைத்து அதற்குத் தலைமை தாங்கும் முயற்சியில் இறங்கியுள்ளார்.

இதில் சுமார் 20-க்கும் ‌அதிகமான எதிர்க்கட்சிகளின் தலைவர்கள் கலந்துகொண்டுள்ளனர். இதில் திமுக தலைவர் மு.க.ஸ்டாலின் கலந்துகொண்டு பேசினார். அவர் பேசும்போது, நாட்டிலிருந்து மதவாதத்தை விரட்ட 2-வது சுதந்தரப் போராட்டம் தொடங்கியுள்ளதாக கூறினார்.

மேலும், “100 மேடைகளில் 1,000 பொய்களை சொல்லி ஆட்சிக்கு வந்த பிரதமர் மோடி, கருப்பு பணத்தை மீட்டு ஒவ்வொருவர் வங்கிக் கணக்கிலும் ரூ.15 லட்சம் போடுவேன் என்றும் கூறினார். ஆனால் அது நடக்கவில்லை.” என்றார்.

இந்நிலையில், பாஜக மாநிலத் தலைவர் தமிழிசை சவுந்திரராஜன் செய்தியாளர்களை சந்தித்தார். அப்போது, ஒவ்வொருவர் வங்கி கணக்கிலும் 15 லட்சம் ரூபாய் போடுவேன் என பிரதமர் மோடி கூறவில்லை என தெரிவித்தார்.

மேலும், “வெளிநாடுகளில் பதுக்கி வைக்கப்பட்டிருக்கிற கருப்பு பணம் மட்டுமில்லாமல் உள்நாட்டில் பதுக்கி வைக்கப்பட்டிருக்கிற கருப்பு பணத்தை மீட்டால் அது ஒரு குடும்பத்திற்கு 15 லட்சம் திட்டமாக வரும். அதில் 5 லட்சம் திட்டம் ஆயுஷ்மான் பாரத் என்ற மருத்துவ காப்பீட்டு திட்டமாக வந்துள்ளது. இன்னும் 10 லட்சம் இல்லாமல் 50 லட்சத்திற்கு கூட திட்டம் கொடுப்பார் பிரதமர். மத்திய பாஜக ஆட்சியில் தமிழகத்திற்கு தான் அதிக திட்டங்கள் கிடைத்து கொண்டிருக்கிறது. தமிழகத்தில் பாஜக காலை மட்டுமல்ல, வேரையும் ஊன்றும்.” என தமிழிசை தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close