[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

ஐஎன்எக்ஸ் மீடியா வழக்கில் ப.சிதம்பரத்தின் ஜாமீன் மனு இன்று விசாரணை

chidambaram-bail-petition-to-be-heard-today-in-delhi-high-court

ஐஎன்எக்ஸ் மீடியா வழக்கில் முன்னாள் மத்திய அமைச்சர் ப.சிதம்பரம் தாக்கல் செய்துள்ள ஜாமீன் மனுவை டெல்லி உயர்நீதிமன்றம் இன்று விசாரணைக்கு எடுத்துக் கொள்கிறது.

ஐஎன்எக்ஸ் மீடியா வழக்கில் ஏற்கனவே ப. சிதம்பரம் தாக்கல் செய்த மனுவை டெல்லி உயர்நீதிமன்றம் ரத்து செய்தது. இதையடுத்து சிபிஐ அதிகாரிகள் ப.சிதம்பரத்தை கைது செய்து நீதிமன்றத்தில் ஆஜர்ப்படுத்தினர். விசாரணைக் காவலுக்குப் பிறகு,15 நாட்கள் நீதிமன்றக் காவலில் ப.சிதம்பரத்தை வைக்க உச்சநீதிமன்றம் உத்தரவிட்டதை அடுத்து, கடந்த 5 ஆம் தேதி திகார் சிறையில் அடைக்கப்பட்டார். ‌ 

இந்நிலையில், ஜாமீன் வழங்கக்கோரி டெல்லி உயர்நீதிமன்றத்தில் சிதம்பரம் மனுத்தாக்கல் செய்துள்ளார். சனி, ஞாயிறு மற்றும் மொஹரம் விடுமுறையை ஒட்டி கடந்த 3 நாட்களாக ஜாமீன் மனு தாக்கல் செய்ய முடியாமல் இருந்தது. விடுமுறைக்கு பின் மீண்டும் நீதிமன்றம் திறக்கப்பட்டதால் ப.சிதம்பரம் சார்பில் ஜாமீன் மனு நேற்று தாக்கல் செய்யப்பட்டது. 

இந்த மனுவில், சம்மன் அனுப்பியபோது முறையாக ஆஜர் ஆனதுடன், ‌15 நாட்கள் விசாரணையின்போதும் முழு ஒத்துழைப்பு வழங்கினேன் எனக் குறிப்பிட்டுள்ளார். மேலும், தன்னிடம் முழு விசாரணை நடத்தி விட்டதாக சி.பி.ஐ. நீதிமன்றத்தில் கூறியுள்ளதால், இனியும் சிறையில் இருக்க வேண்டிய அவசியம் இல்லை எனக் கூறியுள்ளார். எனவே தன்னை ஜாமீனில் விடுக்கக்கோரி மனுவில் கேட்டுக் கொண்டுள்ளார். ஐஎன்எக்ஸ் மீடியா வழக்கில் சிபிஐ மற்றும் அமலாக்கத்துறை வழக்குகளிலிருந்து ஜாமீன் வழங்கக் கோரி தனித்தனியே ப.சிதம்பரம் மனுத்தாக்கல் செய்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close