[X] Close
JUST IN
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தமிழகம் மற்றும் புதுச்சேரியின் பல்வேறு பகுதிகளில் மழை பெய்து வருகிறது.
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா
  • BREAKING-NEWS இந்தோனேஷியா ஓபன் பேட்மிண்டன்: வெள்ளிப்பதக்கம் வென்றார் சிந்து
  • BREAKING-NEWS ''அதிமுகவின் உண்மையான தொண்டர்கள் திமுகவில் இணைய வேண்டும்'' - திமுக தலைவர் ஸ்டாலின்

காங்கிரஸுக்கு ஆறுதலாக ‘கை’ கொடுத்த மாநிலங்கள்..!

state-which-supports-congress-in-lok-sabha

மீண்டும் ஒரு தோல்வியே மிஞ்சியிருக்கும் காங்கிரஸ் கட்சிக்கு, தமிழகம் உள்ளிட்ட சில மாநிலங்கள் அதிகம் கைகொடுத்திருப்பது ஆறுதலாக இருக்கும்.

17-வது மக்களவைத் தேர்தலில் பாஜக மட்டும் 303 இடங்களில் பெற்றி பெற்று தனிப் பெரும்பான்மையுடன் ஆட்சி அமைக்கிறது. இத்தேர்தலில் காங்கிரஸ் கூட்டணி 92 இடங்களில் வெற்றி பெற்றிருந்தாலும், காங்கிரஸ் கட்சியை தனியாக எடுத்துக் கொண்டால் அக்கட்சி வெற்றி பெற்றது வெறும் 52 தொகுதிகளில்தான். கடந்த மக்களவைத் தேர்தலில், காங்கிரஸ் கட்சி தனியாக வெற்றி பெற்றது 41 தொகுதிகளில் மட்டுமே. இதனால் எதிர்க்கட்சி அந்தஸ்தை கூட பெற முடியாமல் இருந்த காங்கிரஸ் கட்சிக்கு இந்த முறையும் எதிர்க்கட்ச அந்தஸ்தை பெற முடியாமல் போய் விட்டது.

இந்நிலையில் தமிழகம் உள்பட சில மாநிலங்களில் காங்கிரஸ் கட்சிக்கு ஆதரவாக கைகொடுத்திருக்கின்றன. காங்கி‌ரஸ் கட்சிக்கு இந்தத் தேர்தலில் அதிக இடங்களைப் பெற்றுத் தந்திருக்கும் மாநிலம் கேரளா. அங்குள்ள 20 தொகுதிகளில்‌ காங்கிரஸ் 15 இடங்களில் வெற்றி பெற்றிருக்கிறது. அடுத்த இடத்தை தமிழகம் பெற்றுள்ளது.

இங்கு காங்கிரஸ் போட்டியிட்ட 10 தொகுதிகளில் 9-ல் வெற்றி கிடைத்திருக்கிறது. பஞ்சாபில் ஆளும் கட்சியான காங்கிரஸ், மொத்தமுள்ள 13 தொகுதிகளில் 8 இடங்களைப் பிடித்திருக்கிறது. பிறகு குறிப்பிட்டு சொல்லுமளவு தெலங்கானாவில் 3, அசாம் 3, சத்தீஸ்கர் 2, மேற்கு வங்கத்தில் 2 தொகுதிகளில் காங்கிரஸ் வென்றுள்ளது. காங்கிரஸ் வெற்றி பெற்றுள்ள 52 தொகுதிகளில், புதுச்சேரி உட்பட 28 தொகுதிகள் தென்னிந்தியாவில் இருந்து கிடைத்திருக்கின்றன. 

Advertisement:
இது தொடர்பான செய்திகள் :
Advertisement:
Advertisement:
[X] Close