[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

''பட்ட மேற்படிப்பு படிக்காமலேயே எம்.ஃபில் பட்டத்தை பெற்றவர் ராகுல்காந்தி'' - அருண்ஜெட்லி

he-got-mphil-without-masters-says-arun-jaitley-on-rahul-gandhi-s-education

பட்ட மேற்படிப்பு படிக்காமலேயே எம்.ஃபில் பட்டத்தை பெற்றவர் ராகுல்காந்தி என அருண்ஜெட்லி விமர்சனம் செய்துள்ளார்.

மத்திய ஜவுளித்துறை அமைச்சரும், பாஜக நிர்வாகியும் ஆன ஸ்மிரிதி இரானி, இந்த மக்களவைத் தேர்தலில் உத்தரப்பிரதேசத்தின் அமேதி தொகுதியில் போட்டியிடுகிறார். காங்கிரஸ் தலைவர் ராகுல் காந்தியை எதிர்த்து அவர் களமிறக்கப்பட்டுள்ளார். கடந்த 2014ஆம் ஆண்டும் அவர் ராகுல் காந்திக்கு எதிராக இதே தொகுதியில் போட்டியிட்டு தோல்வியடைந்தார். கடந்த தேர்தலின் போது ஸ்மிரிதி தெரிவித்த கல்வித்தகுதி பெரும் சர்ச்சையை உண்டாக்கியது. 

ஸ்மிரிதி இளங்கலை படிப்பை முடிக்கவில்லை என்ற குற்றச்சாட்டுகளையும், விமர்சனங்களையும் காங்கிரஸ் கட்சியினர் வைத்திருந்தனர். இந்நிலையில் எதிர்வரும் தேர்தலுக்காக அமேதி தொகுதியில் வேட்புமனு தாக்கல் செய்துள்ள ஸ்மிரிதி, பி.காம் படிப்பை மூன்று ஆண்டுகள் முடிக்கவில்லை என தெளிவாக குறிப்பிட்டார்.

ஸ்மிரிதி ரானியின் கல்வித்தகுதி குறித்து காங்கிரஸ் கட்சி தொடர்ந்து விமர்சனம் செய்து வருகிறது. இந்நிலையில் ஸ்மிரிதி ரானிக்கு ஆதரவாக மத்திய அமைச்சரும், பாஜக மூத்த தலைவருமான அருண்ஜெட்லி குரல் கொடுத்துள்ளார். 

இது குறித்து தனது பேஸ்புக் பக்கத்தில் பதிவிட்டுள்ள அவர், ''பாஜக வேட்பாளர்களின் கல்வித்தகுதியில் தொடர்ந்து கவனம் செலுத்துபவர்கள் ராகுல்காந்தியின் கல்வித்தகுதியை கவனிப்பதில்லை. 

ராகுலின் கல்வித்தகுதி குறித்து ஏராளமான கேள்விகளுக்கு பதிலளிக்க வேண்டியுள்ளது. ராகுல்காந்தி பட்ட மேற்படிப்பு படிக்காமலேயே எம்.ஃபில் பட்டத்தை பெற்றவர்’’ என்றும் தெரிவித்துள்ளார்.

ராகுல் காந்தி அமெரிக்காவின் ப்ளோரிடாவில் உள்ள ரோலின்ஸ் கல்லூரியில் பி.ஏ பட்ட படிப்பை 1994ம் ஆண்டு முடித்தார். பின்னர், 1995ம் ஆண்டு இங்கிலாந்தின் கேம்பிரிட்ச் பல்கலைக் கழகத்தின் கீழ் உள்ள ட்ரினிடி கல்லூரியில் எம்.ஃபில் படித்தார். ராகுல் எம்.ஃபில் படித்தது தொடர்பாக சர்ச்சை எழுந்த போது, 1994-95ம் ஆண்டில் ராகுல் எம்.ஃபில் படித்ததை கேம்பிரிட்ச் பல்கலைக்கழகம் 2014இல் உறுதி செய்தது.

Advertisement:
இது தொடர்பான செய்திகள் :
Advertisement:
Advertisement:
[X] Close