[X] Close
JUST IN
  • BREAKING-NEWS 2016 தேர்தலில் திருப்பரங்குன்றம் தொகுதியில் அதிமுகவின் ஏ.கே.போஸ் வெற்றி பெற்றது செல்லாது - உயர்நீதிமன்றம்
  • BREAKING-NEWS மக்களவை, சட்டமன்ற இடைத்தேர்தலில் அதிமுக வெற்றி பெற எனது தொண்டர்கள் பாடுபடுவர் - அதிமுகவுக்கு ஜெ.தீபா ஆதரவு
  • BREAKING-NEWS 7 பேர் விடுதலை செய்யப்பட நடவடிக்கை மேற்கொள்ளப்படும் - அமமுகவின் தேர்தல் அறிக்கை
  • BREAKING-NEWS சென்னையில் உள்ள வக்ஃபு வாரிய அலுவலகத்தில் சிபிஐ அதிகாரிகள் சோதனை நடத்திவருகின்றனர்; மதுரை வக்ஃபு வாரிய கல்லூரி ஆசிரியர்கள் நியமன முறைகேடு விவகாரம் தொடர்பாக சிபிஐ விசாரித்து வருகிறது
  • BREAKING-NEWS முன்னாள் கிரிக்கெட் வீரர் கவுதம் காம்பீர் இன்று பாரதிய ஜனதா கட்சியில் இணைந்தார்
  • BREAKING-NEWS திண்டுக்கல் நாடாளுமன்ற தொகுதியில் நாம் தமிழர் கட்சி சார்பில் நடிகர் மன்சூர் அலிகான் போட்டி; வேட்பு மனு தாக்கல் செய்தார்
  • BREAKING-NEWS மதுரை மக்களவை தொகுதி மார்க்சிஸ்ட் வேட்பாளர் சு.வெங்கடேசன் வேட்பு மனு தாக்கல் செய்தார்

மக்களவை தேர்தலில் வாக்களிக்க உள்ள 90 கோடி வாக்காளர்கள்..!

90-crore-voters-in-to-cast-their-vote

மக்களவை தேர்தலில் 90 கோடி வாக்காளர்கள் வாக்களிக்க உள்ளதாக தகவல் வெளியாகி உள்ளது.

நாடே மிகவும் எதிர்பார்த்திருக்கும் மக்களவை தேர்தலுக்கான தேதிகளை தலைமை தேர்தல் ஆணையம் இன்று மாலை அறிவிக்க உள்ளது. டெல்லியில் மாலை 5‌ மணிக்கு நடைபெறும் செய்தியாளர் சந்திப்பில், தேர்தல் அட்டவணை அறிவிக்கப்படுகிறது. பிற்பகலில் தேர்தல் ஆணைய அதிகாரிகளின் ஆலோசனை கூட்டம் நடைபெற உள்ளது. இதனையடுத்து செய்தியாளர் சந்திப்பில் தேதிகள் அறிவிக்‌கப்படும்.

மக்களவை தேர்தல் அறிவிப்புடன் தமிழகத்தில் காலியாக‌‌ உள்ள 21 சட்டமன்ற தொகுதிகளுக்கும் தேர்தல் தேதி அறிவிக்கப்படும் என தகவல் வெளியாகியுள்ளது. கடந்த 2014 மக்களவை தேர்தல் 9 கட்டங்களாக நடைபெற்ற நிலையில் தற்போது நாடு முழுவதும் மக்களவை தேர்தல் 7 அல்லது 8 கட்டங்களாக நடத்தப்படலாம் என்று தகவல் வெளியாகி உள்ளது. தென்னிந்திய மாநிலங்களில் ஒரே கட்டமாக தேர்தல் நடத்தி முடிக்கப்படலாம் என்றும், முதல் கட்டமாக தமிழகத்தில் தேர்தல் நடத்தப்பட வாய்ப்புள்‌ளது என்றும் கூறப்படுகிறது.

மொத்தமாக மக்களவை தேர்தலில் 90 கோடி வாக்காளர்கள் வாக்களிக்க உள்ளனர். இதில் 1.6 கோடி வாக்காளர்கள் 18 லிருந்து 19 வயதிற்கு உட்பட்டவர்கள். ஆந்திரா, ஒடிசா, சிக்கிம், ஜம்மு காஷ்மீர் உள்ளிட்ட மாநிலங்களுக்கான சட்டமன்ற தேர்தல் தேதிகளும் மக்களவை தேர்தலோடு அறிவிக்க‌ப்படும் என தகவல் வெளியாகியுள்ளது. தேர்தல் தேதி அறிவிக்கப்பட்ட உடன் தேர்தல் நடத்தை விதிகள் அமலுக்கு வந்துவிடும் என்பதால் அரசு புதிய அறிவிப்புகளை வெளியிட முடியாது. 

Advertisement:
இது தொடர்பான செய்திகள் :
Advertisement:
Advertisement:
[X] Close