[X] Close
JUST IN
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை

சாரதா நிதி நிறுவன வழக்கு : மம்தா கட்சி முன்னாள் எம்.பிக்கு சம்மன்

cbi-summons-former-trinamool-congress-rajya-sabha-mp-kunal-ghosh

சாரதா நிதி நிறுவன வழக்கில் திரிணாமுல் காங்கிரஸ் கட்சியின் முன்னாள் எம்.பி குனால் கோஷுக்கு சிபிஐ சம்மன் அனுப்பியுள்ளது.

சாரதா நிதி நிறுவன மோசடி வழக்கில் கொல்கத்தா காவல் ஆணையர் ராஜீவ் குமாரை விசாரிக்க, கடந்த ஞாயிற்றுக்கிழை அவரது வீட்டிற்கு சிபிஐ அதிகாரிகள் சென்றனர். அவர்களை கொல்கத்தா காவல்துறையினர் தடுத்து நிறுத்தியதால் பரபரப்பு ஏற்பட்டது. அத்துடன் சிபிஐ அதிகாரிகளை காவல்நிலையத்திற்கு அழைத்துச் சென்ற காவலர்கள், பின்னர் விடுவித்தனர்.

இந்த விவகாரம் இந்திய அளவில் அரசியல் கவனத்தை ஈர்த்தது. இதையடுத்து சிபிஐ அதிகாரிகளின் நடவடிக்கைக்கு எதிராகவும், தேசிய கூட்டாட்சித் தத்துவம் மற்றும் ஜனநாயகத்தை காப்பதாகவும் கூறி மேற்கு வங்க முதலமைச்சர் மம்தா பேனர்ஜி தர்ணாவில் ஈடுபட்டார். அவருக்கு பல மாநில அரசியல் தலைவர்கள் ஆதரவு தெரிவித்தனர். இதனையடுத்து சாரதா சிட்பண்ட் முறைகேடு வழக்கில் கொல்கத்தா காவல் ஆணையரை விசாரிக்க அனுமதிகோரி உச்சநீதிமன்றத்தில் சிபிஐ மனு தாக்கல் செய்தது. 

சிபிஐ மனுவை விசாரித்த உச்சநீதிமன்றம், மேகாலயா மாநிலத்தின் ஷில்லாங்கில் உள்ள சிபிஐ அலுவலகத்தில் கொல்கத்தா காவல் ஆணையர் ராஜீவ் குமார் ஆஜராக வேண்டுமென உத்தரவிட்டது. இதைத்தொடர்ந்து காவல் ஆணையர் ராஜூவ் குமாரிடம் வரும் ஞாயிற்றுக்கிழமை சிபிஐ அதிகாரிகள் விசாரணை நடத்துவார்கள் எனத் தகவல் வெளியாகியது. 

இந்நிலையில், சாரதா நிதி நிறுவன வழக்கில், திரிணாமுல் காங்கிரஸ் கட்சியின் முன்னாள் மாநிலங்களவை உறுப்பினர் குனால் கோஷூக்கு சிபிஐ சம்மன் அனுப்பியுள்ளது. அத்துடன் வரும் 10ஆம் தேதி ஷில்லாங்கில் உள்ள சிபிஐ அலுவலகத்தில் ஆஜராகவும் குனாலுக்கு அறிவுறுத்தப்பட்டுள்ளது. இதுதொடர்பான வழக்கு விசாரணை உச்சநீதிமன்றத்தில் வரும் 20ஆம் தேதி விசாரணைக்கு வரவுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close