[X] Close
JUST IN
  • BREAKING-NEWS நாடு முழுவதும் ஒரே நேரத்தில் தேர்தல் என்பது தேர்தல் ஆணையத்தின் செலவை குறைக்கும், நேரத்தையும் குறைக்கும்- திருமாவளவன்
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி

விரைவில் கோதாவரியும் காவிரியும் இணையும் - நிதின் கட்கரி

centre-to-soon-link-godavari-and-cauvery-union-minister-nitin-gadkari

60 ஆயிரம் கோடி மதிப்பிலான கோதாவரி மற்றும் காவேரி நதிகளை இணைக்கும் திட்டத்தை விரைவில் மத்திய அரசு அமல்படுத்தும் என மத்திய நீர்வளத்துறை அமைச்சர் நிதின் கட்கரி தெரிவித்துள்ளார்.

அமராவதியில் பாஜக நிர்வாகிகள் சந்திப்பு நிகழ்ச்சியில் மத்திய நீர்வளத்துறை அமைச்சர் நிதின் கட்கரி கலந்து கொண்டு அவர்கள் மத்தியில் உரையாற்றினார். அப்போது, காவிரி நதிநீர் தொடர்பாக தமிழகம், கர்நாடகா இடையே சர்ச்சை நீடித்து வருவதாகவும் எனவே கோதாவரி தண்ணீரை தமிழகத்துக்கு கொண்டு செல்ல முடிவு செய்துள்ளதாகவும் தெரிவித்தார். 

ஆவியாதல் மூலமாக நீர் வீணாவதால் இந்தத் திட்டத்திற்கு கால்வாய்களை பயன்படுத்தாமல் மெல்லிய தடிமன் கொண்ட இரும்பு குழாய்கள் மூலம் தண்ணீர் கொண்டு செல்லப்படும் எனவும் இந்தத் தொழில்நுட்பத்தை அமெரிக்காவில் வசித்து வரும் ஆந்திர மாநில பொறியாளர் ஒருவர் பரிந்துரைத்துள்ளார் எனவும் குறிப்பிட்டார். 

கோதாவரி நதி மூலம் தமிழகத்தின் பிரச்னை முடிவுக்கு வரும் என நிதின் கட்கரி தெரிவித்தார். ஆண்டுதோறும் 1100 டிஎம்சி அடி கோதாவரி தண்ணீர் வீணாக வங்காள விரிகுடாவில் கலப்பதாகவும் இந்தத் திட்டத்தின் மூலம் அந்தத் தண்ணீர் தமிழ்நாடு மற்றும் கர்நாடகாவிற்கு பிரித்து வழங்கப்படும் எனவும் தெரிவித்தார். 

கோதாவரி, கிருஷ்ணா, பெண்ணார், காவேரி ஆகிய நதிகளை இணைப்பது குறித்த திட்ட அறிக்கை தயார் நிலையில் உள்ளது எனவும் அதை விரைவில் நாடாளுமன்றத்தில் ஒப்புதல் பெற்று நிதி ஒதுக்கப்படும் எனவும் குறிப்பிட்டார்.


 

Advertisement:
இது தொடர்பான செய்திகள் :
Advertisement:
Advertisement:
[X] Close