[X] Close
JUST IN
  • BREAKING-NEWS தண்ணீர் பிரச்னைக்காக மாவட்டந்தோறும் ஜூன் 22 முதல் திமுக கவன ஈர்ப்பு ஆர்ப்பாட்டம் - திமுக மாவட்டச் செயலாளர்களுக்கு மு.க.ஸ்டாலின் அறிவுறுத்தல்
  • BREAKING-NEWS வாகன ஓட்டு‌நர் உ‌ரிமம் பெறுவதற்கான குறைந்த‌பட்ச கல்வி தகுதியை அடியோடு நீக்கம் செய்ய மத்திய அரசு முடிவு ‌செய்துள்ளதாக தகவல்
  • BREAKING-NEWS ஆந்திர போலீஸாருக்கு இன்று முதல் வார விடுமுறை அறிவித்தார் முதல்வர் ஜெகன்மோகன் ரெட்டி
  • BREAKING-NEWS மக்களவை சபாநாயகராக பாஜவை சேர்ந்த ஓம் பிர்லா எம்.பி. போட்டியின்றி ஒருமனதாக தேர்ந்தெடுக்கப்பட்டார்
  • BREAKING-NEWS நடிகர் சங்கத் தேர்தலை நிறுத்துமாறு தென்சென்னை மாவட்ட சங்கங்களின் பதிவாளர் உத்தரவு
  • BREAKING-NEWS தேர்தல் தோல்வியை அடுத்து கர்நாடக மாநில காங்கிரஸ் கமிட்டியை கலைத்தது காங்கிரஸ் கட்சி

“4 மாத உழைப்பு.. கிடைத்தது ரூ.1064..” எதிர்ப்பை பதிவு செய்ய அப்படியே பிரதமருக்கு அனுப்பிய விவசாயி..!

nashik-farmer-gets-rs-1-064-for-750kg-of-onion-sends-earnings-to-pm

எதிர்ப்பை பதிவு செய்யும் விதமாக வெங்காய விவசாயத்தில் தனக்கு கிடைத்த  1,064 ரூபாயை மகாராஷ்டிர விவசாயி ஒருவர், பிரதமரின் நிவாரண நிதிக்கு அனுப்பியுள்ளார்.

மகாராஷ்டிராவின் நாசிக் மாவட்டத்தை சேர்ந்த விவசாயி சஞ்சய் சாத்தே. விவசாயத்தை நம்பியே உயிர் வாழ்பவர். இவர் சமீபத்தில் தனது நிலத்தில் வெங்காய விவசாயம் செய்துள்ளார். கிட்டத்தட்ட 4 மாதங்கள் இதற்காக இவர் கடுமையாக உழைத்திருக்கிறார். அதன்படி இவருக்கு 750 கிலோ வெங்காயம் கிடைத்துள்ளது. அதனை விற்க மொத்த விற்பனை கடைக்கு சென்றுள்ளார். ஆனால் 1 கிலோ வெங்காயத்தை 1 ரூபாய் என்ற கணக்கிலே எடுக்க முடியும் என கூறிவிட்டனர். பின்னர் தான் பட்ட கஷ்டத்தை எடுத்துக் கூறிய சஞ்சய், பேச்சுவார்த்தையும் நடத்தியுள்ளார். இதனையடுத்து 1 கிலோ வெங்காயத்தை ரூபாய் 1.40 என்ற கணக்கில் அவர்கள் எடுத்துள்ளனர். 750 கிலோ வெங்காயத்திற்கு வெறும் 1064 ரூபாய் கிடைத்துள்ளது.

இவ்வளவு கஷ்ட பட்டு வேலை செய்தும் விவசாயத்திற்கு போதிய முன்னுரிமை இல்லையே.. விவசாயிகளால் லாபம் பார்க்க முடியவில்லையே என்ற வேதனையில் தனது எதிர்ப்பை பதிவு செய்யும் விதமாக தனக்கு கிடைத்த 1064 ரூபாயை பிரதமரின் நிவாரண நிதிக்கு சஞ்சய் அனுப்பியுள்ளார். அத்துடன் மணி ஆர்டர் செலவுக்காக கூடுதலாக 54 ரூபாயும் செலவழித்துள்ளார்.

இதுகுறித்து அவர் கூறும்போது, “ நான் எந்தவொரு அரசியல் கட்சியையும் சேராதவன். ஆனால் விவசாயிகள் கஷ்டபட்டு உழைக்கிறார்கள். அவர்களுக்கு உழைப்புக்கு ஏற்ற பலனில்லை. அதனால் இந்த அரசாங்கம் மீது கோபத்தில் இருக்கிறேன்” என கூறியுள்ளார். கடந்த 2010-ஆம் ஆண்டு அப்போதைய அமெரிக்க அதிபராக இருந்த ஒபாமா, இந்தியாவிற்கு வருகை புரிந்தார். அப்போது முற்பாக்கு விவசாயிகள் சிலர் ஒபாமாவுடன் நேரில் பேச அனுமதி வழங்கப்பட்டது. அதில் சஞ்சய் சாத்தேவும் ஒருவர் என்பது குறிப்பிடத்தக்கது.

Advertisement:
Advertisement:
Advertisement:
[X] Close