[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

இம்ரான் கான் பதவியேற்பில் சுனில் கவாஸ்கர் பங்கேற்கவில்லை

sunil-gavaskar-declines-invitation-for-imran-oath-taking-ceremony

பாகிஸ்தான் பிரதமராக இம்ரான் கான் பதவியேற்கும் நிகழ்ச்சியில் சுனில் கவாஸ்கர் பங்கேற்கவில்லை.

பாகிஸ்தானில் சமீபத்தில் நடந்த தேர்தலில் முன்னாள் கிரிக்கெட் வீரர் இம்ரான் கானின் தெஹ்ரிக்-இ-இன்சாப்  கட்சி, வெற்றி பெற்றது. இருந்தாலும் ஆட்சியமைக்க போதுமான இடங்களை அந்தக் கட்சியால் பெற முடியவில்லை. மற்ற கட்சிகளுடன் இணைந்து  இம்ரான் கான் ஆட்சி அமைக்க முடிவு செய்துள்ளார். அதன்படி பாகிஸ்தான் பிரதமராக வரும் ஆகஸ்ட் 18-ஆம் தேதி இம்ரான் கான் பதவியேற்க உள்ளார்.

பதவியேற்பு விழாவில் பங்கேற்க இந்திய கிரிக்கெட் பிரபலங்களும் இம்ரான் கானின் கிரிக்கெட் நண்பர்களுமான சுனில் கவாஸ்கர், கபில் தேவ், நவ்ஜோத் சிங் சித்து ஆகியோருக்கும் அழைப்பு விடுக்கப்பட்டுள்ளது. இந்நிலையில் இம்ரான் கானின் பதவியேற்பு விழாவில் தான் பங்கேற்கவில்லை என சுனில் கவாஸ்கர் தெரிவித்துள்ளார். இதுதொடர்பாக பேசியுள்ள அவர், இம்ரான் கானுக்கு ஏற்கெனவே வாழ்த்துகள் தெரிவித்துவிட்டதாகதாவும் கூறியுள்ளார். இங்கிலாந்தில் நடைபெற்று வரும் டெஸ்ட் போட்டியை காரணம் காட்டி தன்னால் இம்ரான் கானின் பதவியேற்பு விழாவில் பங்கேற்க முடியவில்லை எனவும் கவாஸ்கர் தெரிவித்துள்ளார்.

மேலும் பேசிய அவர், “ஒரு கிரிக்கெட் வீரராக இம்ரான் கான் பலமுறை இந்தியாவிற்கு வந்துள்ளார். அப்போதெல்லாம் அவர் இந்தியர்களுடன் நல்ல முறையில் உரையாடி உள்ளார். அவருக்கு இந்தியாவை பற்றி தெரியும். இந்தியா- பாகிஸ்தான் உடனனான உறவுகளை பொறுத்தவரையில் இம்ரான் கான் மீது எனக்கு நிறைய எதிர்பார்ப்புகள் உள்ளன” எனத் தெரிவித்துள்ளார். இதனிடையே இம்ரான் கானின் பதவியேற்பு விழாவில் தான் பங்கேற்க உள்ளதாக நவ்ஜோத் சிங் சித்து கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close