[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

“எங்களை அடித்தே கொன்றுவிடாதீர்கள்”.. கெஞ்சிய இளைஞர்களை அடித்தே கொன்றே ஊர்மக்கள்..!

2-men-mistaken-for-child-kidnappers-beaten-to-death-in-assam

குழந்தை கடத்தல்காரர்கள் என நினைத்துக் கொண்டு இளைஞர்கள் இருவரை பொதுமக்கள் கட்டிவைத்து சரமாரியாக தாக்கியதில் அவர்கள் இருவரும் பரிதாபமாக உயிரிழந்துள்ளனர்.

அஸ்ஸாம் மாநிலம் கவுகாத்தியில் கடந்த சில மாதங்களாக குழந்தை கடத்தல் சம்பவம் அதிகரித்து காணப்பட்டிருக்கிறது. இந்நிலையில் மாநிலத்தின் அங்லாங் மாவட்டத்தில் உள்ள டோக்மோகா பகுதியில் குழந்தை கடத்தல்காரர்கள் சிலர் இருப்பதாக சமூக வலைத்தளங்களில் வதந்தி பரவியிருக்கிறது. இந்த நேரத்தில் தான் அபிஷித் நாத் மற்றும் நிலோட்பால் தாஸ் ஆகிய இருவரும் டோக்மோகா பகுதிக்கு தங்களது காரில் சென்றிருக்கின்றனர். அவர்களை குழந்தைக் கடத்தல்காரர்கள் என நினைத்துக் கொண்ட உள்ளூர் மக்கள் அவர்கள் இருவரையும் காரில் இருந்து வெளியே இழுத்து கடுமையாக தாக்கியிருக்கின்றனர்.  அவர்கள் உள்ளூர் மக்களிடம் இருந்து தப்பிக்க நினைத்தபோது இருவரையும் கட்டி வைத்த உள்ளூர் மக்கள் தொடர்ச்சியாக முகம், கை, கால், முதுகு என பல இடங்களில் தாக்கியிருக்கின்றனர். இதில் இருவரும் சம்பவ இடத்திலேயே பரிதாபமாக உயிரிழந்தனர்.

இதுதொடர்பான வீடியோ காட்சிகளும் வெளியாகி உள்ளன. அதில், நிலோட்பால் தாஸ் உள்ளூர் மக்களிடம் எங்களை அடிக்காதீர்கள் என கெஞ்சுகிறார். “ நாங்களும் அஸ்ஸாம் வாசிகள் தான். குற்றவாளிகள் அல்ல. தயவுசெய்து எங்களை அடித்தே கொன்றுவிடாதீர்கள். நாங்கள் உண்மையை தான் சொல்கிறோம். எங்களை தயவு செய்து நம்புங்க” என வலி தாங்க முடியாமல் கெஞ்சுகிறார். மேலும் தனது பெற்றோர்கள் பெயரை கூறும் அவர் எங்களை தயவு செய்து போக விடுங்கள் என மன்றாடி பார்க்கிறார் ஊர் பொதுமக்களிடம். ஆனால் உள்ளூர்வாசிகள் தொடர்ந்து தாக்குவதில் அவர்கள் பரிதாபமாக உயிரிழக்கின்றனர்.

இந்தச் சம்பவத்திற்கு மாநில முதலமைச்சர் சர்பானந்தா சோனாவால் தனது கடும் கண்டனத்தை பதிவு செய்துள்ளதோடு போலீசார் விசாரணைக்கும் உத்தரவிட்டுள்ளார். வதந்திகளை நம்பி பொதுமக்கள் அப்பாவி மக்களை கொல்வது கடும் கண்டனத்திற்குரியது எனவும் கூறியுள்ளார். கொல்லப்பட்ட நிலோட்பால் தாஸ் பொறியாளராக பணியாற்றி வந்தவர். அதேசமயம் அபிஷித் நாத் சொந்த வியாபாரம் செய்து வந்தவர் என்பது குறிப்பிடத்தக்கது. இந்த சம்பவம் தொடர்பாக யாரும் இன்னும் கைது செய்யப்படவில்லை.

Advertisement:
இது தொடர்பான செய்திகள் :
Advertisement:
Advertisement:
[X] Close