[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

ஆசிஃபாவுக்கு இழைக்கப்பட்ட அடுக்கடுக்கான அநீதிகள் என்ன? 

a-timeline-of-kathua-s-horrific-gang-rape-murder-of-an-8-year-old-that-s-burning-the-nation-today

ஜம்மு காஷ்மீரில் 8 வயது சிறுமி காவல்துறையினர் உட்பட 8 பேரால் கொடூரமாக பாலியல் வன்கொடுமை செய்யப்பட்டு, கொலை செய்யப்பட்ட சம்பவத்திற்கு நாடு முழுவதும் கண்டனக்குரல்கள் எழுந்துள்ளன. சிறுமி ‘ஆசிஃபா’வுக்கு நீதி கேட்டு #JusticeforAsifa என்கிற ஹேஷ்டேக்கும் ட்ரெண்டாகி வருகிறது.

ஜனவரி 10: குதிரையை தேடிச்சென்ற 8 வயதே ஆன சிறுமி ஆசிஃபா கடத்தப்படுகிறாள்

ஜனவரி 12: சிறுமியின் தந்தை யூசஃப், ஹீரா நகர் காவல்நிலையத்தில் தனது மகளை காணவில்லை என புகார் அளிக்கிறார். காவல்துறையினர் முதலில் இந்த வழக்கை விசாரிக்க மறுத்துள்ளனர். சிறுமி யாருடனாவது சென்றிருப்பாள் என காவல்துறை கூறியுள்ளது.இதனையடுத்து சிறுமியின் உறவினர்கள் போராட்டத்தில் ஈடுபட்டுள்ளனர்.

ஜனவரி 17: சிறுமி ஆசிஃபா காட்டுப்பகுதியில் சடலமாக மீட்கப்பட்டுள்ளார். இதனையடுத்து கிராம மக்கள் காவல்துறைக்கு எதிராகவும், அரசுக்கு எதிராகவும் போராட்டத்தில் ஈடுபட்டனர்

ஜனவரி 22: வழக்கை மாநிலக் குற்றப்பிரிவு போலீஸ் விசாரணைக்கு மாற்றி ஜம்மு காஷ்மீர் முதல்வர் மெஹபூபா முஃப்தி உத்தரவிட்டார்.

இதனையடுத்து இந்த வழக்கில் தொடர்புடைய 8பேரை காவல்துறையினர் கைது செய்தனர். இதில் 15வயது சிறுவனும் குற்றச்செயலில் ஈடுபட்டது தெரியவந்தது. ஓய்வு பெற்ற அரசு அதிகாரி சஞ்சி ராம் (வயது 60) இச்சம்பவத்தில் மூளையாக செயல்பட்டவர். இவரது மகன் விஷால், இவரது உறவினர் ஒரு சிறார், சிறப்பு காவல்பிரிவு அதிகாரிகள் தீபக் காஜூரியா, சுரிந்தர் குமார், ரசானா கிராமத்தை சேர்ந்த பர்வேஷ் குமார். துணை காவல் ஆய்வாளர் ஆனந்த் தத்தா மற்றும் தலைமை காவலர் திலக் ராஜ் ஆகியோர் கைது செய்யப்பட்டனர். 

பிப்ரவரி 14: இந்த வழக்கில் கைது செய்யப்பட்ட சஞ்சி ராம் என்பவரை விடுவிக்க கோரி ‘இந்து ஏக்தா மஞ்ச்’என்ற அமைப்பு ஜம்மு நகரில் தேசியக்கொடியுடன் ஊர்வலம் நடத்தியது. இந்த வழக்கில் கைதானவரை விடுவிக்க வேண்டும் என அம்மாநில பாஜக அமைச்சர்கள் இருவர் போராட்டம் நடத்தியுள்ளனர்.

குற்றவாளிகள் விவரம்

சஞ்சி ராம் : ஓய்வு பெற்ற வருவாய்துறை அதிகாரி, இவர் இந்தக் குற்றச்சம்பவத்தில் மூளையாக செயல்பட்டுள்ளார். சிறுமி அடைத்து வைக்கப்பட்டிருந்த கோயிலை இவர்தான் நிர்வகித்து வருகிறார்.


 
15வயது சிறுவன்:
சஞ்சி ராமின் திட்டத்தை முன்னின்று செயல்படுத்தியுள்ளான். இவன் தனது பள்ளிப்படிப்பை பாதியில் நிறுத்திவிட்டான்.

பர்வேஷ் குமார்: 15வயது சிறுவனின் நண்பன். சிறுமியைக் கடத்துவதற்கு உதவிபுரிந்துள்ளான்.

விஷால்: ராமின் மகன் மீரட்டில் உள்ள கல்லூரியில் படித்து வருகிறான். 15வயது சிறுவன் தொலைபேசி மூலம் விஷாலை அழைத்து சிறுமி
கடத்தப்பட்டதாகவும் , பாலியல் வன்கொடுமை செய்யும் ஆசை இருந்தால் வருமாறும் அழைத்துள்ளான். இதனையடுத்து இவனும் இந்தக் கொடுஞ்செயலில் ஈடுபட்டுள்ளான்.

தீபக் காஜுரியா: சிறப்பு காவல்துறை அதிகாரி. 15 வயது சிறுவன், ஆசிபாவை கொலை செய்யும் முன் தடுத்து, மயக்க நிலையில் இருந்த அவளை பாலியல் வன்கொடுமை செய்த கொடூரன்

சுரிந்தர் குமார்: சிறப்பு காவல்துறை அதிகாரி. இந்தக் குற்றச்சம்பவத்தை கண்ணால் பார்த்தவர் , தீபக்கின் நடவடிக்கைகளுக்கு உடந்தையாக இருந்தவர். 

ஆனந்த் தத்தா : துணை காவல் ஆய்வாளர். இந்தச் சம்பவத்தை விசாரிக்க சென்று விசாரணை அதிகாரி. முழு சம்பவமும் எப்படி நடக்கிறது என அறிந்தும், பணத்திற்காக எதையும் செய்யாமல் குற்றத்தை மறைக்க முயற்சித்தற்காக கைது செய்யப்பட்டுள்ளார். 

திலக் ராஜ்: தலைமை காவலர். இந்தச் சம்பவத்தை விசாரிக்க சென்று விசாரணை அதிகாரி. சஞ்சி ராமுக்கும் ஆனந்த் தத்தாவுக்கும் இடைத்தரகராக செயல்பட்டவர். 3 லட்சம் வரை பணம் பெற்று,  குற்றத்தை மறைக்க முயற்சித்தற்காக கைது செய்யப்பட்டுள்ளார்.

(ஆனந்த் தத்தா மற்றும் திலக் ராஜ் இருவரும் சிறுமியின் ஆடைகளை சுத்தம் செய்து குற்றத்தை மறைக்க முயற்சித்துள்ளனர் )

ஏப்ரல் 12: மனிதர்களாக தோற்றுவிட்டோம். அவருக்கு நீதி மறுக்கப்பட்டுள்ளது என மத்திய அமைச்சர் வி.கே.சிங் தெரிவித்தார்.

ஏப்ரல் 12: காஷ்மீரின் கத்துவா மற்றும் உத்தரப்பிரதேசத்தின் உன்னாவ் ஆகிய பகுதிகளில் சிறுமிகள் பாலியல் வன்கொடுமைக்கு ஆளாக்கப்பட்ட சம்பவங்களுக்கு கண்டனம் தெரிவித்து காங்கிரஸ் உறுப்பினர்கள் அக்கட்சி தலைவர் ராகுல் காந்தி தலைமையில் தலைநகர் டெல்லியில் மெழுகுவத்தி ஏந்தி பேரணி மேற்கொண்டனர்.

ஏபரல் 13: குற்றப்பத்திரிகை தாக்கல் செய்யவிடாமல் , சஞ்சி ராமுக்கு ஆதராவாக வழக்கறிஞர்கள் செயல்பட்டதை அறிந்து கொண்ட உச்சநீதிமன்றம், சிறுமி பாலியல் வன்கொடுமை வழக்கில் அம்மாநில பார் கவுன்சிலுக்கு நோட்டீஸ் அனுப்பியுள்ளது.  

 

Advertisement:
Advertisement:
Advertisement:
[X] Close