[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

1 வருடமாக அம்மா- மகனை பூட்டி வைத்த வளர்ப்பு மகன்! லூதியானாவில் அதிர்ச்சி!

woman-son-locked-in-home-for-around-a-year-rescued

ஒரு வருடமாக வீட்டுக்குள் பூட்டி வைக்கப்பட்டிருந்த அம்மாவும் மகனும் மீட்கப்பட்டுள்ளனர். 

லூதியானாவில் உள்ள துங்கிரி சிஆர்பிஎப் காலனியில் வசித்தவர் சுதா (38). இவரது கணவர் கடந்த வருடம் ஏப்ரல் மாதம் இறந்துவிட்டார். இவர்களுக்கு ஏழு வயதில் மகன் ஒருவன் இருக்கிறான். கணவர் இறந்த பின் மனநலம் பாதிக்கப்பட்டு விட்டது. சுதாவுக்கு. இவரை இவர்கள் வளர்ப்பு மகன் சுரேஷ்குமார் (30) கவனித்து வந்தார்.

கடந்த இரு தினங்களுக்கு முன் லூதியானா மாவட்ட சட்ட அமைப்புக்கு ஒரு போன் வந்தது. அதில் பேசியவர், ஒரு வருடமாக அம்மாவும் மகனும் வீட்டுக்குள் அடைக்கப்பட்டிருக்கிறார்கள் என்று தெரிவித்தார். இதையடுத்து மனநல மருத்துவர், மாஜிஸ்திரேட் குர்பிரீத் கவுர் மற்றும் சமூக நல அமைப்பினர் அந்த வீட்டுக்கு சென்றனர். அங்கு நிர்வாண கோலத்தில் படுத்திருந்தார் சுதா. மற்றொரு அறையில் எதுவும் பேசாமல் உம்மென்று இருந்துள்ளான் சிறுவன். 

இருவரையும் மீட்ட அவர்கள் உடனடியாக மருத்துவமனையில் சேர்த்தனர். இவர்களுக்கு சுரேஷ்குமார் எப்போதாவதுதான் சாப்பாடு கொடுப்பாராம். தந்தை இறப்பதற்கு முன் வரை, அந்தச் சிறுவன் சந்தோஷமாகப் பள்ளிக்குச் சென்றுவந்துள்ளான் என்று அக்கம் பக்கத்தில் உள்ளவர்கள் தெரிவித்தனர். 

‘நாங்கள் வீட்டுக்குள் சென்றதும் சுதா, தனது கணவரின் பெயரைச் சொல்லி அழைத்தார். பின்னால் வாருங்கள் என்றார். இதைப் பார்க்க பரிதாபமாக இருந்தது. சிறுவன் ஒரு வார்த்தை கூட பேசவில்லை. இருவருக்கும் உணவு கொடுத்ததும் நன்றாகச் சாப்பிட்டனர். இவர்களை வீட்டுக்குள் பூட்டி வைத்த சுரேஷ் குமாரும் மனநலம் பாதிக்கப்பட்டவர் போல்தான் இருக்கிறார். மருத்துவமனையில் இலவச சிகிச்சை அளிக்கப்பட்டு வருகிறது. அவர்களுக்கு மறுவாழ்வு அளிக்க சமூக நல அமைப்புகளிடம் பேசி வருகிறோம்’ என்றார் மாஜிஸ்திரேட் கவுர். 

மருத்துவர்கள் கூறும்போது, ‘சுதா மற்றும் சிறுவனின் உடல்நிலை மிகவும் மோசமாக உள்ளது. சுதாவால் எழுந்து நிற்க முடியவில்லை. தொடர்ந்து சிகிச்சை அளித்து வருகிறோம்’ என்றனர். இந்தச் சம்பவம் அந்தப் பகுதியில் பரபரப்பை ஏற்படுத்தியுள்ளது. 
 

Advertisement:
இது தொடர்பான செய்திகள் :
Advertisement:
Advertisement:
[X] Close