[X] Close
JUST IN
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்
  • BREAKING-NEWS மதுரை பாலமேட்டில் ஜல்லிக்கட்டு தொடங்கியது; வாடிவாசலில் இருந்து முதலில் கோவில் காளைகள் அவிழ்த்து விடப்பட்டன
  • BREAKING-NEWS மக்களவை தேர்தலுக்காக முதல்வர் மீது பொய் பரப்புரை செய்தால் மக்கள் பாடம் புகட்டுவர்; அரசியல் காழ்ப்புணர்வால் கோடநாடு விவகாரத்தில் பொய் புகார் பரப்பப்படுகிறது - அமைச்சர் தங்கமணி

ரயில் நிலையங்களில் இலவச வைஃபை பயன்படுத்துவதில் பாட்னா முதலிடம்

passengers-at-patna-railway-station-use-free-wi-fi-to-search-porn-sites

ரயில் நிலையங்களில் இலவச வைஃபை பயன்படுத்துவதில் பாட்னா ரயில் நிலையம் முதலிடத்தில் உள்ளதாக தகவல் வெளியாகியுள்ளது. இதில் வருந்தத்தக்க செய்தி என்னவென்றால் ‘இலவச வைஃபை வசதி மூலம் ஆபாச இணையதளங்களையே அதிகமானோர் பார்த்துள்ளதாக ரயில்டெல் அதிகாரிகள் தெரிவித்துள்ளனர்.

கூகுள் இந்தியா மற்றும் இந்திய ரயில்வே இணைந்து இந்தியாவின் 400 முக்கிய ரயில் நிலையங்களில் அதிவேக இலவச வைஃபை இணையசேவையை வழங்கும் திட்டம் கடந்த ஆண்டு அறிவிக்கப்பட்டது. முதன் முதலில் மும்பை ரயில் நிலையத்தில் இலவச வைஃபை அறிமுகம் செய்யப்பட்டது. இதைத்தொடர்ந்து பெங்களுரூ, புது டெல்லி, பீகார் தலைநகர் பாட்னா , விசாகப்பட்டினம், ராஞ்சி, ஜெய்ப்பூர் உள்ளிட்ட நகரங்களில் உள்ள ரயில் நிலையங்களில் இலவச வைஃபை வசதி அறிமுகம் செய்யப்பட்டது. நாடு முழுவதும் தற்போது வரை 23 ரயில் நிலையங்களில் இலவச வைஃபை வசதி அறிமுகம் செய்யப்பட்டுள்ளது.

இந்நிலையில் இந்த இலவச வைஃபை இணைய வசதி மூலம் பாட்னா ரயில் நிலையத்தில் அதிகமானோர் ஆபாச தளங்களை பார்த்துள்ளதாக ரயில்டெல் அதிகாரிகள் கூறியுள்ளனர். இணையசேவை வழங்கும் ரயில்டெல் நிறுவனம் இதுவரை பாட்னா நகரில் ரயில் பயணிகள் பார்த்துள்ள டேட்டாக்களை பதிவு செய்துள்ளது. அந்த தகவல்கள் தொடர்பாக ரயில்டெல் அதிகாரி ஒருவர் கூறுகையில் ‘பாட்னா ரயில் நிலையத்தில், யூடியூப் அதிகமானோர் பார்க்கின்றனர். அதன்பிறகு விக்கிப்பீடியா பார்க்கிறார்கள். அங்கு பெரும்பாலானோர், ஆபாசத் தளங்களை பார்ப்பதுடன், வீடியோக்களை டவுன்லோடு செய்கிறார்கள்’ சில பயணிகள், இலவச வைஃபை மூலம் ஆப்ஸ்கள், ஹாலிவுட் மற்றும் பாலிவுட் படங்களை டவுன்லோடு செய்கிறார்கள். பாட்னாவிற்கு அடுத்தாக ஜெய்ப்பூர் ரயில் நிலையத்தில் அதிகமானோர் இணைய தேடுதலில் ஈடுபடுகிறார்கள். அதைத்தொடர்ந்து முறையே பெங்களூரு, புது டெல்லி ரயில் நிலையத்தில் அதிகமானோர் இலவச வைஃபை இணையத்தை பயன்படுத்துகின்றனர்’ என்றார்.

பாட்னா ரயில் நிலையத்தை ஒரு நாளைக்கு 200 ரயில்கள் கடந்து செல்கின்றன. அதனால் இங்கு எப்போதும் மக்கள் கூட்டம் நிரம்பி வழிந்து காணப்படும். தானாபூரை தலைமையிடமாகக் கொண்ட கிழக்கு மத்திய ரயில்வே மண்டலத்தில் பாட்னா ரயில் நிலையத்தில் தான் முதன்முறையாக இலவச வைஃபை வசதி கடந்த மாதம் அறிமுகம் செய்யப்பட்டது. தற்போது பாட்னா ரயில் நிலையத்தில் இலவச வைஃபை வசதி மூலம் ஒரு ஜிபி வழங்கப்படுகிறது. இதனை 10 ஜிபியாக (குறைந்த வேகத்துடன்) அதிகரிக்க ரயில்டெல் திட்டமிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close