[X] Close
JUST IN
  • BREAKING-NEWS தென்னாப்பிரிக்காவுக்கு எதிரான டெஸ்ட் தொடரை கைப்பற்றியது இந்திய அணி
  • BREAKING-NEWS வரும் 17-ஆம் தேதி வடகிழக்கு பருவமழை தொடங்க வாய்ப்பு
  • BREAKING-NEWS தமிழகத்தில் வரைவு வாக்காளர் பட்டியல் அடுத்த மாதம் 25-ஆம் தேதி வெளியீடு: நவம்பர் 18-ஆம் தேதி வரை திருத்தங்கள் செய்யலாம்
  • BREAKING-NEWS ஈரோடு மாவட்டம் கோபி செட்டிப்பாளையத்தில் கனமழையால் வெள்ளப்பெருக்கு

அரசின் நடவடிக்கைக்கு காங்கிரஸ் துணை நிற்கும்: ராணுவத் தாக்குதலுக்கு சோனியா பாராட்டு

sonia-gandhi-hails-surgical-strikes-by-army-says-congress-supports-govt-s-stand

நாட்டின் பாதுகாப்பு அச்சுறுத்தலுக்கு எதிரான போராட்டத்தில் மத்திய அரசுக்கு காங்கிரஸ் கட்சி துணை நிற்கும் என்று அக்கட்சியின் தலைவர் சோனியா தெரிவித்துள்ளார்.

யூரி தாக்குதலுக்கு பதிலடி கொடுக்கும் வகையில் பாகிஸ்தான் ஆக்கிரமிப்பு காஷ்மீர் பகுதியில் இந்திய ராணுவம் நடத்திய தாக்குதலில் 7 பயங்கரவாத முகாம்கள் அழிக்கப்பட்டன. ராணுவத்தின் இந்த பதிலடிக்கு பல்வேறு அரசியல் கட்சிகளும் வரவேற்றுள்ளன.

இதுகுறித்து அறிக்கை வெளியிட்டுள்ள காங்கிரஸ் தலைவர் சோனியா, நாட்டின் பாதுகாப்புக்கு அச்சுறுத்தலாக விளங்கும் தீவிரவாத நடவடிக்கைகளுக்கு எதிராக அரசு மேற்கொள்ளும் நடவடிக்கைகளுக்கு காங்கிரஸ் கட்சி துணை நிற்கும் என்று தெரிவித்துள்ளார். மேலும், இதன்மூலம் நமது நாட்டுக்குள் ஊடுருவ முயலும் பயங்கரவாதிகளுக்கு சரியான பதிலடி கொடுக்க முடியும் என்பதை உணர்த்தியுள்ளதாகவும் அவர் தெரிவித்துள்ளார்.

இந்தியாவுக்கு எதிரான எல்லைதாண்டிய பயங்கரவாதத்தைத் தடுப்பதில் பாகிஸ்தானுக்கு மிகப்பெரிய பொறுப்பு இருப்பதாக காங்கிரஸ் கட்சி திடமாக நம்புவதாகவும் சோனியா தனது அறிக்கையில் தெரிவித்துள்ளார்.

முன்னதாக, பாகிஸ்தான் ஆக்கிரமிப்பு காஷ்மீர் பகுதியில் இந்திய ராணுவம் நடத்திய தாக்குதல் தொடர்பாக மருத்துவமனையில் சிகிச்சை பெற்று வரும் சோனியாவிடம், வெளியுறவுத் துறை அமைச்சர் சுஷ்மா சுவராஜ் விளக்கமளித்தார். ராணுவத்தின் நடவடிக்கைக்கு காங்கிரஸ் துணைத் தலைவர் ராகுலும் பாராட்டு தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close