[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

நிலக்கரி பயன்பாட்டால் இந்தியாவில் அதிகம் வெளியேறும் கரியமில வாயு

india-s-carbon-dioxide-emissions-up-5

கடந்த ஆண்டில் இந்தியாவில் வெளியான கார்பன் - டை ஆக்ஸைட் எரிவாயுவின் அளவு 5% அதிகரித்துள்ளதாக ஆய்வறிக்கை மூலம் தெரியவந்துள்ளது.

‘இண்டர்நேஷனல் எனர்ஜி ஏஜென்சி’ என்ற அமைப்பு உலகநாடுகளில் வெளியேறும் கார்பன்- டை ஆக்ஸைட் அளவு குறித்து  ஆய்வு நடத்தியது. அதன்படி 2018ஆம் ஆண்டிற்கான அறிக்கையை வெளியிட்டுள்ளது. இந்த அறிக்கை மூலம் பல தகவல்கள் தெரியவந்துள்ளன.

கடந்த ஆண்டில் மட்டும் இந்தியாவில் வெளியேறிய கார்பன்- டை ஆக்ஸைட் அளவு, 5% அதிகமாகியுள்ளது தெரிய வந்துள்ளது. அதாவது இந்தியாவில் மட்டும் 2299 மில்லியன் டன் அளவு கார்பன்- டை ஆக்ஸைட் வாயு வெளியேற்றப்பட்டுள்ளது. இது அமெரிக்கா மற்றும் சீனா வெளியேறியுள்ள கார்பன்- டை ஆக்ஸைட் அளவைவிட அதிகம். இதற்கு இந்தியாவில் அதிகரித்து வரும் நிலக்கரி பயன்பாடே காரணம் என அந்த அறிக்கை குறிப்பிட்டுள்ளது.

இந்தியா 2015 பாரீஸ் பருவநிலை மாற்றத்திற்கான ஒப்பந்தத்தில் 2030ஆம் ஆண்டிற்குள் 40% எரிசக்தியை மாசு ஏற்படுத்தாத முறைகள் மூலம் உற்பத்தி செய்ய போவதாக தெரிவித்திருந்தது. அதன்படி சூரிய சக்தி போன்றவற்றில் முதலீடு செய்து வந்தது. ஆனால் கடந்தாண்டு இந்தியா நிலக்கரி அல்லாத முறையில் எரிசக்தி தயாரிப்பதில் 3% குறைந்துள்ளதாக அறிக்கை மூலம் தெரிய வந்துள்ளது. 

மேலும் உலகளவில் எண்ணெய் மற்றும் எரிவாயு பயன்படுத்துவது அமெரிக்காவில் தான் அதிகம் உள்ளதாக தெரியவந்துள்ளது. கடந்த ஆண்டு இது 10% உயர்ந்துள்ளதாக அறிக்கை தெரிவிக்கிறது.

Advertisement:
Advertisement:
Advertisement:
[X] Close