[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

‘என்னை காப்பாற்றலயேனு பழிவாங்க கொள்ளையடிச்சேன்’ - குற்றவாளியின் வாக்குமூலம்

police-arrested-with-in-12-hours-that-10-lakhs-chennai-robbery-gang

சென்னையில் வியாபாரியிடம் ரூ.10 லட்சம் கொள்ளையடித்த கும்பலை போலீஸார் 12 மணி நேரத்திற்குள் கைது செய்தனர்.

சென்னை கோயம்பேடு பகுதியில் பல்பொருள் அங்காடி நடத்தி வரும் ‌அய்யாசாமி, மாநகரின் பல்வேறு பகுதிகளுக்கு மளிகைப் பொருட்களை விநியோகித்து வருகிறார். அவற்றின் வாயிலாக கிடைத்த பணத்துடன் ஓட்டுநர் ஹயார் பாஷா, சரக்கு‌வாகனத்தில் திரும்பிக் கொண்டிருந்தார். ஜாஃபர்கான்பேட்டை காசி திரையரங்‌கம் அருகே இருசக்கர வாகனங்களில் வந்த 6 பேர் கொண்ட கும்பல், ஹயார் பாஷா வந்த வாகனத்தை வழிமறித்தது.

அவரிடம் கத்தியை காட்டி மிரட்டிய கொள்ளையர்கள், வாகனத்தின் சாவியை பறித்து‌, அவர் வைத்திருந்த 10 லட்சத்து 8 ‌ஆயிரம் ரூபாயை திருடிச் சென்றனர். இதுகுறித்து அளிக்கப்பட்ட புகாரின்பேரில் காவல்துறை விசாரணையை தொடங்கியது. கொள்ளையர்கள் வந்த வாகனங்களின் பதிவெண்களை வைத்து விசாரணை நடத்தியபோது, சுரேஷ்குமார் என்பவருக்கு வழிப்பறியில் தொடர்பு இருப்பதை காவல்துறை கண்டறிந்தது.

தொடர் விசாரணையில் சுரேஷ்குமாரும், அவருக்கு உடந்தையாக இருந்த 4 பேர் காஞ்சிபுரத்தில் பதுங்கியிருப்பது தெரியவந்தது. துரிதமாக செயல்பட்ட காவல்துறை, உடனடியாக அங்கு விரைந்து 5 பேரையும் கைது செய்தனர். வழிப்பறி நடந்த 12 ‌மணி நேரத்திற்குள் அவர்கள் காவல்துறையிடம் சிக்கினர். இதில், முக்கிய குற்றவாளியாக கருதப்படும் சுரேஷ்குமார், பல்பொருள் அங்காடி உரிமையாளர் அய்யாசாமியின் கடையில் பணிபுரிந்து வந்தவர் என தெரியவந்தது.

சிறிது காலத்திற்கு முன் அய்யாசாமியின் வாகனத்தில்‌, தடை செய்யப்பட்ட சில பொருட்களை கொண்டு சென்றபோது சுரேஷ்குமார் காவல்துறையில் சிக்கியதாகவும், அவரை காப்பாற்ற அய்யாசாமி எந்த நடவடிக்கையும் எடுக்கவில்லை எனவும் கூறப்படுகிறது. இதற்கு பழிவாங்கவே, சுரேஷ்குமார் தனது கூட்டாளிகளுடன் சேர்ந்து அய்யாசாமிக்குச் சொந்தமான பணத்தை கொள்ளையடித்தது விசாரணையில் தெரியவந்துள்ளது. 

இச்சம்பவத்தில் தொடர்புடைய மேலும் ஒருவரை காவல்துறையினர் தேடி வருகின்றனர். கைதானவர்களிடம் இருந்து 9 லட்சம் ரூபாய் பறிமுதல் செய்யப்பட்டுள்ளது. வழிப்பறியில் ஈடுபட்டவர்களுக்கு வேறு ஏதேனும் ‌கொள்ளை சம்பவங்களில் தொடர்பு இருக்கிறதா என‌ காவல்துறை விசாரித்து வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close