[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

“அண்ணி ஜோதிகாவுடன் முதன்முறையாக நடிக்கிறேன்” - கார்த்தி உற்சாகம் 

thrilled-to-share-screen-space-with-anni-for-the-first-time-says-actor-karthi

இயக்குநர் ஜித்து ஜோசப் இயக்கத்தில் நடிகர் கார்த்தி, ஜோதிகா நடிக்கும் திரைப்படத்தின் படப்பிடிப்பு இன்று தொடங்கியுள்ளது.

மலையாளத்தில் ‘த்ரிஷியம்’ என்ற த்ரில்லர் திரைப்படத்தின் மூலம் கவனம் பெற்ற இயக்குநர் ஜித்து ஜோசப். இப்படம் மலையாளத்தில் மட்டுமின்றி பல மொழிகளிலும் ரீமேக் செய்யப்பட்டது. தமிழில் கமல்ஹாசன் நடிப்பில் ‘பாபநாசம்’ என்ற பெயரில் இது வெளியானது.

தற்போது இயக்குநர் ஜித்து ஜோசப், நடிகர் கார்த்தியை வைத்து படம் இயக்க உள்ளார். இந்தப் படத்தில் நடிகை ஜோதிகாவும் நடிக்க உள்ளார். தனது அண்ணன் சூர்யாவின் மனைவியான ஜோதிகாவுடன் இதுவரை கார்த்தி நடித்ததில்லை. இந்தத் திரைப்படத்தின் மூலம் முதன்முதலாக தன் அண்ணியான ஜோதிகாவுடன் இணைந்து நடிக்க இருக்கிறார். இதில் கார்த்திக்கு ஜோதிகா ஜோடி இல்லை என்றும், படத்தின் முக்கிய கதாபாத்திரத்தின் நடிக்க இருப்பதாகவும் கூறப்படுகிறது.

இந்நிலையில் இப்படத்தின் படப்பிடிப்பு இன்று முதல் தொடங்கியுள்ளது. படத்தின் பெயரை குறிப்பிடாமல் ஒரு போஸ்டர் ஒன்றையும் படக்குழு வெளியிட்டுள்ளது. இது த்ரில்லர் வகையாக இருக்கலாம் என்று எதிர்பார்க்கப்படுகிறது. போஸ்டரை தனது ட்விட்டர் பக்கத்தில் பகிர்ந்துள்ள நடிகர் கார்த்தி, ''முதன்முறையாக அண்ணியுடன் சேர்ந்து நடிக்க இருக்கிறேன். உங்கள் அனைவரின் ஆசீர்வாதத்துடன் இன்று முதல் படப்பிடிப்பு தொடங்குகிறது'' என்று தெரிவித்துள்ளார். 

அவருக்கு வாழ்த்து தெரிவித்துள்ள நடிகர் சூர்யா ''இது ஒரு சிறப்பான தருணம். உன்னையும், 'ஜோ'வையும் திரையில் ஒன்றாக பார்ப்பது உற்சாகமாக இருக்கிறது. படக்குழுவுக்கு வாழ்த்துகள்'' எனத் தெரிவித்துள்ளார். இந்த திரைப்படம் இந்த வருடத்தின் அக்டோபரில் வெளியாகும் என தெரிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close