[X] Close
JUST IN
  • BREAKING-NEWS மக்களவை தேர்தலையொட்டி சென்னையில் 113 காவல் ஆய்வாளர்களை இடமாற்றம் செய்து ஆணையர் ஏ.கே.விஸ்வநாதன் உத்தரவு
  • BREAKING-NEWS விவசாயிகளுக்கு பட்ஜெட்டில் அறிவித்தபடி ரூ.6ஆயிரம் 3 தவணையாக ரூ.2 ஆயிரம் வீதம் வழங்கப்பட உள்ளது
  • BREAKING-NEWS ஏழை தொழிலாளர்களின் வங்கி கணக்கில் ரூ. 2 ஆயிரம் வழங்கும் திட்டத்தை ஜெயலலிதா பிறந்தநாளான வரும் 24ம் தேதி தொடங்கி வைக்கிறார் முதல்வர் பழனிசாமி
  • BREAKING-NEWS திமுக கூட்டணியில் காங்கிரசுக்கான தொகுதிப்பங்கீடு பற்றி அண்ணா அறிவாலயத்தில் நாளை அறிவிக்கப்படும் - டெல்லியில் கே.எஸ்.அழகிரி பேட்டி
  • BREAKING-NEWS 21 தொகுதி இடைத்தேர்தல்களிலும் அதிமுகவுக்கு பாஜக முழு ஆதரவு அளிப்பதாக தீர்மானம் - பியூஷ் கோயல், துணைமுதல்வர் ஓபிஎஸ் கூட்டாக பேட்டி
  • BREAKING-NEWS 2019 மக்களவை தேர்தலில் அதிமுக-பாஜக கூட்டணி உறுதியானது; அதிமுக கூட்டணியில் பாஜகவுக்கு 5 தொகுதிகள் ஒதுக்கப்பட்டுள்ளன
  • BREAKING-NEWS மக்களவை தேர்தலுக்கான திமுக-காங்கிரஸ் கூட்டணி நாளை அறிவிக்கப்படும் என காங்கிரஸ் கமிட்டியின் மாநில தலைவர் கே.எஸ்.அழகிரி தகவல்

“பாலாவின் ‘வர்மா’ கைவிடப்படுகிறது” - பட நிறுவனம் திடீர் அறிவிப்பு

director-bala-varma-movie-dropped-by-production

நடிகர் விக்ரமின் மகன் துருவ் நடிப்பில் பாலா இயக்கத்தில் உருவான ‘வர்மா’ திரைப்படம் கைவிடப்படுவதாக படத் தயாரிப்பு நிறுவனம் அறிவித்துள்ளது.  

பாலா இயக்கத்தில் நடிகர் விக்ரம் மகன் துருவ் நடித்துள்ள திரைப்படம் ‘வர்மா’. இந்தப் படத்தின் மூலம் துருவ் முதன்முறையாக திரைத்துறையில் புதுமுக நடிகராக அறிமுகமாக இருந்தார். 

இந்தப் படம் 2017ம் ஆண்டு தெலுங்கில் வெளியான ‘அர்ஜூன் ரெட்டி’யின் ரீமேக் ஆகும். தெலுங்கில் விஜய் தேவேரகொண்டா நாயகனாக நடித்திருந்தார். அவருக்கு ஜோடியாக ஷாலினி பாண்டே நடித்திருந்தார். அந்தப் படம் விமர்சன ரீதியாகவும் வசூல் ரீதியாகவும் மிகவும் பேசப்பட்டது. ஆகவே அதனை தமிழில் எடுக்க முடிவு செய்தார் இயக்குநர் பாலா. கடந்த ஆண்டு மார்ச் மாதம் இதன் படப்பிடிப்பு தொடங்கியது. காட்மாண்ட், திருவண்ணாமலை, சென்னை உள்ளிட்ட பல்வேறு பகுதிகளில் படப்பிடிப்பு நடைபெற்று வந்தது. 

            
 
இந்நிலையில் கடந்த ஆண்டு செப்டம்பர் மாதம் இப்படத்தின் ஃபர்ஸ்ட்லுக் போஸ்டர் வெளியானது. அந்த போஸ்டரில் நடிகர் துருவ், தாடியும் மீசையுமாக பைக்கில் வலம் வருவதைபோல காட்சி இடம் பெற்றிருந்தது. ஆனால் இந்த போஸ்டரை கண்ட திரை ரசிகர்கள் சமூக வலைத்தளத்தில் கடுமையான எதிர்ப்புகளை பதிவிட்டனர். ஆனால், வர்மா படத்தின் ட்ரெய்லருக்கு நல்ல வரவேற்பு இருந்தது. ட்ரெய்லரின் துருவ் மிகவும் இளமையாக காட்சி அளித்தார். அதனால், படத்தின் மீதான எதிர்பார்ப்பு அதிகரித்தது. 

          

இந்நிலையில், பாலா இயக்கிய ‘வர்மா’ திரைப்படத்தை கைவிடுவதாக படத்தின் தயாரிப்பு நிறுவனம் அறிவித்துள்ளது. அர்ஜுன் ரெட்டி படத்திற்கும் பாலா எடுத்துள்ள படத்திற்கு நிறைய கிரியேட்டிவ் வித்தியாசங்கள் இருப்பதாக தயாரிப்பு நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளது. அதோடு, புதிய டீம் உடன் அர்ஜுன் ரெட்டி திரைப்படம் தமிழில் மீண்டும் எடுக்கப்படும் என்று அதில் கூறப்பட்டுள்ளது. புதிய அணியில் துருவ் மட்டும் இடம்பெற வாய்ப்புள்ளதாக கூறப்படுகிறது.

          

தமிழ் திரையுலகில் மிகவும் முக்கியமான இயக்குநராக கருதப்படும் பாலா எடுத்த திரைப்படம் கைவிடப்பட்டுள்ளது பரபரப்பை ஏற்படுத்தியுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close