[X] Close
JUST IN
  • BREAKING-NEWS தமிழ்நாடு திரைப்பட இயக்குநர் சங்கத்தேர்தலில் தலைவர் பதவிக்கு போட்டியிட்ட ஆர்.கே.செல்வமணி வெற்றி
  • BREAKING-NEWS இந்தோனேஷியா ஓபன் பேட்மிண்டன்: வெள்ளிப்பதக்கம் வென்றார் சிந்து
  • BREAKING-NEWS ''அதிமுகவின் உண்மையான தொண்டர்கள் திமுகவில் இணைய வேண்டும்'' - திமுக தலைவர் ஸ்டாலின்
  • BREAKING-NEWS ஆங்கிலப் புத்தாண்டில் இந்து கோயில்களை திறக்க தடை கோரிய வழக்கு தள்ளுபடி

ரஜினியுடன் பேட்டயில் இணைந்த முள்ளும் மலரும் இயக்குநர் !

rajinikanth-with-director-mahendran-during-petta-shooting

பேட்ட படத்தின் படப்பிடிப்பு தளத்தில் ரஜினிகாந்தும் இயக்குநர் மகேந்திரனும் இருக்கும் புகைப்படம் இணையத்தில் வைரலாகி வருகிறது

கார்த்தி சுப்பாராஜ் இயக்கத்தில் ரஜினிகாந்த் நடித்துவரும் திரைப்படம் பேட்ட. இப்படத்தில் சிம்ரன், த்ரிஷா, விஜய் சேதுபதி, பாபி சிம்ஹா, நவாசுதின் சித்திக், குரு சோமசுந்தரம் உள்ளிட்ட நட்சத்திர பட்டாளமே நடித்து வருகிறது. டேராடூன், டார்ஜிலிங், மதுரை, சென்னை என பல இடங்களிலும் பேட்ட படத்தின் படப்பிடிப்பு வேகமாக நடந்து வருகிறது. 

இந்நிலையில் பேட்ட திரைப்படத்தில் ரஜினியின் இரு மாதிரியான ஃபர்ஸ்ட் லுக்குகள் வெளியிடப்பட்டன. இந்த லுக்குகள் சமூக வலைதளங்களில் வைரலாகி பரவியது. மேலும் பேட்ட படப்பிடிப்பு தளத்தில் எடுக்கப்பட்ட புகைப்படங்களும் இணையத்தில் கசிந்து அவ்வப்போது வைரலானது. 

இந்நிலையில் படத்தில் இயக்குநர் மகேந்திரனும் இணைவதாக தகவல் வெளியானது. இதை உறுதிபடுத்தும் விதத்தில் ரஜினியுடன் தான் இருக்கும் புகைப்படத்தை இயக்குநர் மகேந்திரன் பகிர்ந்துள்ளார்.

மீண்டும் ரஜினியுடன் மகேந்திரன் இணைந்திருப்பதாகக் கூறி சமூக வலைதளங்களில் ரசிகர்கள் கொண்டாடி வருகின்றனர். இயக்குநர் மகேந்திரன் 1980-களில் ரஜினியை வைத்து "முள்ளும் மலரும்", ஜானி போன்ற படங்களை இயக்கியவர்.

Advertisement:
Advertisement:
Advertisement:
[X] Close