[X] Close
JUST IN
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS சென்னையில் பெட்ரோல் லிட்டருக்கு ரூ.79.46 காசுகளாகவும், டீசல் லிட்டருக்கு ரூ.75.44 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

முதன் முதலில் வாங்கிய மாருதி 800 காரில் இன்னும் பயணிக்கும் நடிகர்!

actor-ramakrishna-is-still-driving-in-his-first-maruti-800-car

சினிமாவில் நடிக்க வருவதற்கு முன்பே விதவிதமான கார்களில் வலம் வரும் இப்போதை நடிகர்களுக்கு மத்தியில் வித்தியாசமானவராக இருக்கிறார் இந்த முன்னாள் ஹீரோ!
அவர் முதன் முதலில் வாங்கிய மாருதி 800 காரிலேயே இன்னும் வலம் வருகிறார் என்றால் அது வித்தியாசமானதுதானே!

தமிழில் கே.பாலசந்தர் இயக்கிய ’பொய்க்கால் குதிரை’ படத்தில் ஹீரோவாக நடித்தவர் ராமகிருஷ்ணா. பிறகு கன்னடத்துக்கு சென்றுவிட்ட ராமகிருஷ்ணா அங்கு சுமார் 200 படங்களுக்கு மேல் நடித்துள்ளார். இப்போது கேரக்டர் ரோலில் நடித்துவரும் அவர், தமிழில் காதலே என் காதலே, நிசப்தம் ஆகிய படங்களிலும் நடித்துள்ளார். இவர் மாருதி 800 கார் அறிமுகப்படுத்தப்பட்டபோது, முதன்முதலாக வாங்கிய கன்னட நடிகர். இவருக்குப் பிறகு கன்னட ஹீரோ சிவராஜ்குமார், மாருதி 800 காரை வாங்கினார். அப்போது இந்த காருக்கு மவுசு ஜாஸ்தி. அதற்கு பிறகு ஏகப்பட்ட மாடல் கார்கள் வந்துவிட்டன. மாருதியே கூட புதிய புதிய கார்களை வடிவமைத்து விற்றுவருகிறது. இப்போதைய நடிகர்கள் கோடிகணக்கான ரூபாய் மதிப்பு கொண்ட சொகுசு கார்களில் வலம் வருகின்றன. ஆனால், கடந்த 35 வருடங்களாக முதன் முதலாக வாங்கிய அந்த மாருதி 800 காரையே இப்போதும் பயன்படுத்திவருகிறார் ராமகிருஷ்ணா.

ஏன் இப்படி?

‘இது, எனக்கு பிடித்த கார். நான் வாங்கிய ஆறு நாட்களுக்குப் பிறகுதான் சிவராஜ்குமார் இந்த காரை வாங்கினார். அப்போது வாங்கியவர்கள் எல்லோரும் அடுத்த சில வருடங்களிலேயே காரை மாற்றிவிட்டார்கள். நான் மாற்றவில்லை. 80-களில் இந்த காரை ஓட்டுவதற்கு நடிகர்கள் பலர் அதிக ஆர்வம் காட்டுவார்கள். அம்பரீஷ் தினமும் இதை ஓட்டுவார். நடிகர் ரவிச்சந்திரன் இதை நான்கைந்து முறை வாடகைக்கு எடுத்து சென்றிருக்கிறார். இப்போது இதற்கு மவுசு இல்லை. ஆனால் இப்போதும் நான் இதை ஓட்டி வருகிறேன். இது எனக்கு மகிழ்ச்சியாக இருக்கிறது. சினிமாவில் அதிக வாய்ப்புகள் வரவில்லை. அதனால் எனது தோட்டத்துக்கு இதே காரில் சென்று வருகிறேன். பெங்களூரில் உள்ள வீட்டை வாடகைக்கு விட்டிருக்கிறேன். அதன் மூலம் கிடைக்கும் வருமானத்தில் வாழ்க்கையை ஓட்டி வருகிறேன்’ என்கிறார் ராமகிருஷ்ணா.
 

Advertisement:
இது தொடர்பான செய்திகள் :
Advertisement:
Advertisement:
[X] Close