[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

சோனாலி பிந்த்ரேவைத் தாக்கிய மெடாஸ்டாடிக் கேன்சர்… பாதிப்பு என்ன? மீள வாய்ப்பு என்ன?

sonali-bendre-is-affected-by-metastatic-bone-cancer

கடந்த ஜூலை 4ஆம் தேதி‘நான் மெடாஸ்டாடிக் கேன்சரால் பாதிக்கப்பட்டு இருக்கிறேன், நியூயார்க்கில் சிகிச்சை பெற்றுவருகிறேன்’ – என்று வெளிப்படையாக அறிவித்தார் பிரபல நடிகை சோனாலி பிந்த்ரே. ‘காதலர் தினம்’ உள்ளிட்ட தமிழ்ப்படங்களிலும் பல்வேறு இந்திய மொழித் திரைப்படங்களிலும் நடித்த சோனாலியின் இந்த அறிவிப்பு இந்தியா முழுவதும் கேன்சர் குறித்த எச்சரிக்கை உணர்வை மீண்டும் எழுப்பி இருக்கிறது. மெடாஸ்டாடிக் கேன்சர் என்றால் என்ன? – பார்ப்போம்.

கேன்சரின் தீவிர நிலையே மெடாஸ்டாடிக் கேன்சர் என்று அழைக்கப்படுகிறது. அதாவது உடலில் ஒரு உறுப்பைத் தாக்கும் கேன்சர் கிருமிகள் அங்கு நிலைபெற்று, வலிமை பெற்று, ரத்த ஓட்டம் அல்லது நிணநீர் அமைப்பு மூலம் பிற பகுதிகளுக்கும் பரவும் நிலையே மெடாஸ்டாடிக் கேன்சர் ஆகும். இது கேன்சரின் 4ஆவது படிநிலை.

அனைத்து புற்றுநோய்களும் தீவிரமடைந்து மெடாஸ்டாடிக் கேன்சராக மாறக் கூடியவை. இந்த நிலை உயிர் அபாயத்தை அதிகரிக்கின்றது. மெடாஸ்டாடிக் கேன்சர்கள் எந்த இடத்தில் இருந்து பரவத் தொடங்குகின்றதோ அந்த இடத்தின் பெயரால் அழைக்கப்படுகின்றன. உதாரணமாக எலும்பில் இருந்து பிற பகுதிகளுக்குப் பரவினால் அது ‘மெடாஸ்டாடிக் போன் கேன்சர்’ என்று அழைக்கப்படும்.

இந்தியாவில் இப்போது 25 லட்சம் பேர் புற்றுநோயால் பாதிக்கப்பட்டு சிகிச்சையில் இருக்கிறார்கள். ஒவ்வொரு ஆண்டும் சராசரியாக 7 லட்சம் பேருக்கு கேன்சர் பாதிப்புகள் கண்டறியப்படுகின்றன. கேன்சர் தொற்று எவ்வளவு விரைவாக கண்டுபிடிக்கப்படுகின்றதோ, அவ்வளவுக்கு அவ்வளவு உயிர் பிழைக்கும் வாய்ப்புகள் அதிகம்.

மெடாஸ்டாடிக் கேன்சர் வேறு இடத்துக்குப் பரவாமல் பார்த்துக் கொண்டே, பாதிக்கப்பட்ட இடத்தையும் குணப்படுத்த வேண்டும் என்பதால் இதற்கான சிகிச்சைகள் கடினமானவை. ஆனால் மன உறுதியால் மெடாஸ்டாடிக் கேன்சரை வென்றவர்கள் இருக்கிறார்கள். காதலர் தினம் திரைப்படத்தின் இறுதிக் காட்சிபோல, அதன் நாயகி இப்போது மருத்துவமனையில் இருக்கிறார். அவர் குணமாக வேண்டும் என்ற கதாநாயகனின் விருப்பமே நம் அனைவரின் விருப்பமாகவும் இருக்கிறது.

Advertisement:
Advertisement:
Advertisement:
[X] Close