Published : 30,Mar 2021 05:52 PM
மாஸ்டர் ‘வாத்தி கம்மிங்’ பாடலுக்கு உற்சாகமுடன் நடனமாடும் ஹர்பஜன் சிங்!
’மாஸ்டர்’ படத்தின் ‘வாத்தி கம்மிங்’ பாடலுக்கு இந்திய கிரிக்கெட் வீரர் ஹர்பஜன் சிங் செம்ம குத்தாட்டம் போடும் வீடியோ சமூக வலைதளங்களில் கவனம் ஈர்த்துள்ளது.
தீபாவளியையொட்டி வெளியான விஜய்யின் ‘மாஸ்டர்’ இப்போதுவரை தியேட்டர்களில் வெற்றிகரமாக ஓடிக்கொண்டிருக்கிறது. கொரோனா சூழலில் வெளியான படங்களில் சூப்பர் ஹிட் அடித்தப் படம் என்ற பெருமையும் மாஸ்டர் படத்திற்கே உண்டு.
இப்படத்தின் ’வாத்தி கம்மிங்’ பாடல் படம் வெளியாவதற்கு முன்பே இந்தியா முழுக்க வைரல் ஹிட் அடித்தது. படம் வெளியான பின்பு உலகம் முழுக்க இப்போதுவரை ரசிகர்கள் நடனமாடி வீடியோக்களை வெளியிட்டு வருகிறார்கள்.
ஏற்கனவே, கிரிக்கெட் வீரர்களும் இந்திய மகளிர் கிரிக்கெட் வீராங்கனைகள் பலரும் ’வாத்தி கம்மிங்’ பாடலுக்கு நடனமாடி வீடியோ வெளியிட்டிருந்த நிலையில், ஹர்பஜன் சிங் தற்போது குதூகலத்துடன் நடனம் ஆடி வீடியோவை தனது ட்விட்டர் பக்கத்தில் வெளியிட்டிருக்கிறார்.
IPL 2021 coming ? @jatinsapru@StarSportsIndia@IPL how’s the josh ?? pic.twitter.com/6Tq0zD1Cdp
— Harbhajan Turbanator (@harbhajan_singh) March 30, 2021
’விஜய் விட நல்லா டான்ஸ் ஆடுறீங்க’ என்று அந்த வீடியோவை பார்த்த நெட்டிசன்கள் கருத்து தெரிவித்து வருகிறார்கள்.
