’கனவு வாரியம்’ ஹீரோயின் வீட்டுக்குள் புகுந்து கொள்ளை!

நடிகை வீட்டுக்குள் புகுந்து ரூ.10 லட்சம் மதிப்புள்ள பொருட்களை கொள்ளையடித்துச் சென்றவர்களை போலீசார்
தேடி வருகின்றனர்.

இந்தியில் ஏராளமான டிவி தொடர்களில் நடித்திருப்பவர் ஜியா சங்கர். விளம்பர படங்களிலும் நடித்துள்ள இவர், தமிழில் சமீபத்தில் வெளியான ’கனவு வாரியம்’ படத்தில் ஹீரோயினாக நடித்துள்ளார். மும்பையை சேர்ந்த ஜியா, கோரேகான் பகுதியில் தனது அம்மாவுடன் வசித்து வந்தார். இவரது அம்மா சிகை அலங்கார நிபுணர். வீட்டைப் பூட்டிவிட்டு கடந்த வாரம் வெளியில் சென்றிருந்த இவர்கள், திரும்பி வந்த போது கதவு உடைக்கப்பட்டு இருந்தது. உள்ளே சென்று பார்த்தனர். அப்போது ரூ. 10 லட்சம் மதிப்பிலான நகைகள் உள்ளிட்ட பொருட்கள் கொள்ளை போயிருப்பது தெரியவந்தது. இதையடுத்து ஜியா சங்கர், கோரேகான் போலீஸ் ஸ்டேஷனில் புகார் செய்தார். போலீசார் விசாரித்து வருகின்றனர்.