[X] Close

இந்தியாவை பழிதீர்க்க இதுவே சரியான தருணம்: பாக். முன்னாள் கேப்டன் அறிவுறுத்தல்

Golden-opportunity-for-Pakistan-to-avenge-loss-to-India--Imran-Khan

சாம்பியன்ஸ் கோப்பை தொடரின் லீக் போட்டியில் அடைந்த தோல்விக்கு இந்தியாவை பழிதீர்க்க இறுதிப் போட்டியை பாகிஸ்தான் அணி பயன்படுத்திக் கொள்ள வேண்டும் என்று முன்னாள் வீரர் இம்ரான் கான் அறிவுறுத்தியுள்ளார்.


Advertisement

இதுதொடர்பாக பாகிஸ்தான் தொலைக்காட்சி ஒன்றுக்கு பேட்டியளித்த அவர், முதல் போட்டியில் இழந்த பெருமையை மீட்க நமக்கு சரியான வாய்ப்பு கிடைத்துள்ளது. அந்த போட்டியில் அடைந்த தோல்வி மனவலியைத் தந்தது. டாஸ் வென்றால் பாகிஸ்தான் அணியே முதலில் பேட் செய்ய வேண்டும். இந்திய அணிக்கு அந்த வாய்ப்பை வழங்கக் கூடாது. இந்திய அணி சிறப்பான பேட்டிங் வரிசையைக் கொண்டிருக்கிறது. அவர்கள் முதலில் பேட்டிங் செய்தால், மிகப்பெரிய ஸ்கோரை பதிவு செய்து, பாகிஸ்தான் அணிக்கு நெருக்கடியை ஏற்படுத்துவார்கள். மற்ற அணிகளுக்கு எதிராக சேசிங் செய்த பாகிஸ்தான் அணி கேப்டன் சர்ஃப்ராஸ் அகமதுவின் வியூகம் கைகொடுத்திருக்கலாம், ஆனால் அந்த வியூகம் இந்திய அணிக்கு எதிராக எடுபடாமல் போகலாம் என்பதே எனது கணிப்பு என்று அவர் கூறியுள்ளார். இவ்விரு அணிகளுக்கு இடையிலான லீக் போட்டி எட்ஜ்பாஸ்டன் மைதானத்தில் கடந்த 4ம் தேதி நடந்தது. அந்த போட்டியில் இந்திய அணி 124 ரன்கள் வித்தியாசத்தில் வென்றது. இந்த நிலையில், சாம்பியன்ஸ் கோப்பை தொடரின் இறுதிப் போட்டியில் இந்தியா - பாகிஸ்தான் அணிகள் மோதுகின்றன. லண்டன் ஓவல் மைதானத்தில் நடைபெறும் இந்த போட்டி இந்திய நேரப்படி நாளை மதியம் 3 மணிக்கு தொடங்குகிறது. 
 


Advertisement

Advertisement
[X] Close