நடிகை விஷ்ணு பிரியா திருமணம்!

நடிகை விஷ்ணுபிரியா, மலையாள தயாரிப்பாளர் ஈஸ்ட் கோஸ்ட் விஜயன் மகன் வினய் திருமணம் கேரள மாநிலம் ஆழப்புழையில் நேற்று நடந்தது.

தமிழில் செல்வா இயக்கிய ’நாங்க’ படத்தில் ஹீரோயினாக நடித்தவர் மலையாள நடிகை விஷ்ணு பிரியா. இவர் மலையாளத்தில், ராத்திரி மழா, பெண்பட்டணம், மகர மஞ்சு, கிரைம் ஸ்டோரி உட்பட பல படங்களில் நடித்துள்ளார். டி.வி. நிகழ்ச்சிகளிலும் நடித்து வருகிறார். 

பரத நாட்டிய கலைஞரான இவருக்கும் மலையாள பட இயக்குனரும் தயாரிப்பாளருமான ஈஸ்ட் கோஸ்ட் விஜயன் மகன் வினய்-க்கும் திருமணம் நிச்சயிக்கப்பட்டிருந்தது. இதையடுத்து இவர்கள் திருமணம் ஆழப்புழையில் உள்ள கேம்லாட் கன்வென்சன் மையத்தில் நேற்று நடந்தது. 

இதில் நெருங்கிய உறவினர்கள் மற்றும் நண்பர்கள் கலந்துகொண்டனர். மற்றும் நடிகைகள் பாமா, சரன்யூ, ஸ்ருதி லட்சுமி, இயக்குனர் சித்தி உட்பட பலர் கலந்துகொண்டனர். திருமண வரவேற்பு நிகழ்ச்சி வரும் 29 ஆம் தேதி திருவனந்தபுரத்தில் நடக்கிறது. இதில் திரையுலகினர் கலந்துகொண்டு மணமக்களை வாழ்த்துகிறார்கள்.