Published : 24,Sep 2018 04:57 PM
கஜோல் தொலைபேசி எண்ணை ட்விட்டரில் பகிர்ந்த அஜய் தேவ்கன்
தனது மனைவியும், பிரபல பாலிவுட் நடிகையுமான கஜோல் தொலைபேசி எண்ணை அவரது கணவரும், பிரபல பாலிவுட் நடிகருமான அஜய் தேவ்கன் ட்விட்டரில் பகிர்ந்துள்ளார்.
பாலிவுட்டில் பிரபல நடிகர் அஜய் தேவ்கன். பிரபல நடிகை கஜோல். இவர்கள் இருவரும் கடந்த 1999ஆம் ஆண்டு காதல் திருமணம் செய்துகொண்டனர். இவர்களுக்கு ஒரு மகள் உள்ளார். இந்நிலையில் இன்று அதிகாலை கஜோல் தொலைபேசி எண்ணை அஜய் தனது ட்விட்டர் பக்கத்தில் பகிர்ந்துள்ளார். அதில் ‘கஜோல் நாட்டில் இல்லை. அவரை இந்த வாட்ஸ்அப் எண்ணில் தொடர்பு கொள்ளுங்கள்’ எனக் குறிப்பிட்டுள்ளார். இந்த ட்விட்டை அவர் பதிவு செய்த சில நிமிடங்களிலேயே, அது வைரலாக பரவியது. இதுவரை 3,107 பேர் இதனை மறு-ட்விட் செய்துள்ளனர் பலர் தங்கள் கருத்துக்களை விமர்சனங்களாக பகிர்ந்து வருகின்றனர். சிலர் இதனை ஊடக விளம்பரத்திற்காக அஜய் செய்துள்ளதாகவும் சாடியுள்ளனர்.
