[X] Close

கணவரையே கடத்த முயன்ற மனைவி

The-Wife-has-tried-to-kidnap-her-husband-for-the-property-in-Namakkal

நாமக்கல்லில் சொத்துக்காக கணவரையே ஆள் வைத்து கடத்த முயன்ற மனைவியை காவல்துறையினர் தேடி வருகின்றனர்.


Advertisement

நாமக்கல் ஏ.எஸ் பேட்டை முல்லை நகரை சேர்ந்தவர் செல்வராஜ். லாரி தொழில் மற்றும் பைனான்ஸ் தொழில் செய்து வரும் இவருக்கு கடந்த 18 வருடங்களுக்கு முன்பு கரூரை சேர்ந்த இராஜேஸ்வரி என்பவருடன் திருமணமாகி 2 குழந்தைகள் உள்ளன. இருவருக்கும் இடையே ஏற்பட்ட கருத்து வேறுபாடு காரணமாக கடந்த 3 வருடங்களாக இருவரும் தனித்தனியே பிரிந்து வாழ்ந்து வருகின்றனர். மேலும் இவர்களுக்கு இடையே சொத்து தகராறு இருந்து வந்துள்ளது.


Advertisement

இந்நிலையில் நேற்று மாலை நாமக்கல்-திருச்சி சாலையில் சென்று கொண்டிருந்த செல்வராஜை, 5 பேர் கொண்ட கும்பல் வழிமறித்து சொத்துகளை ராஜேஸ்வரி பெயருக்கு எழுதி வைக்குமாறு மிரட்டியதாக கூறப்படுகிறது. அவர்களிடம் இருந்து தப்பிய செல்வராஜ், இதுகுறித்து நாமக்கல் காவல் நிலையத்தில் அளித்த புகாரின் பேரில் வழக்குப்பதிவு செய்த காவல்துறையினர், சம்மந்தப்பட்ட 5 பேரையும் கைது செய்து சேலம் சிறையில் அடைத்தனர். மேலும் விசாரணையில் சொத்துக்காக செல்வராஜை கடத்த ராஜேஸ்வரியும் அவரின் சகோதரி கலாராணியும் கூலிப்படை வைத்து கடத்த முயன்றதாக தெரிய வந்துள்ளது. இதையடுத்து தலைமறைவான ராஜேஸ்வரி மர்றும் கலாராணி ஆகிய இருவரையும் காவல்துறையினர் தேடி வருகின்றனர்.
 


Advertisement

Advertisement
[X] Close